Turkish Airlines ushaǵy Islandııaǵa shuǵyl qonýǵa májbúr boldy
ASTANA. QazAqparat - Ystambul-Toronto baǵytyndaǵy Túrik áýe joldaryna tıesili jolaýshylar ushaǵy Islandııaǵa shuǵyl qonýǵa májbúr boldy. Bul týraly Haber7.com habarlaıdy.
Buǵan ekıpaj músheleriniń biri ózin jaısyz sezinýi sebep bolǵan. Ekıpaj múshesi óziniń jaısyz sezinip turǵanyn kapıtanǵa aıtqan. Dıspetcherlermen baılanysqa shyqqan ushqysh Islandııanyń Keflavık halyqaralyq áýejaıyna shuǵyl qonýyna ruqsat alady. Ózin jaısyz sezingen ekıpaj múshesin jedel járdem mamandary ushaqtan shyǵaryp alǵannan keıin THY ushaǵy Torontoǵa baǵytyn jalǵastyratyn boldy, dep habarlady 24.kz. Foto:www.traveltoeastafrica.com
