Turkish Airlines ushaǵy bomba qaýipinen Irlandııaǵa qonýǵa májbúr boldy
ASTANA. QazAqparat - Turkish Airlines áýekompanııasynyń Boıng-777 ushaǵy Irlandııanyń «Shannon» halyqaralyq áýejaıyna bortyndaǵy kúdikti zatqa baılanysty tótenshe jaǵdaıda qondy.
Interfaks agenttiginiń habarlaýynsha, bortta kúdikti zat baıqalǵan, sondaı-aq ushaq ekıpajy bomba qoıylǵany týraly jazýy bar qaǵaz taýyp alǵandyǵyn málim etken.
Ushaq jerge qalypty jaǵdaıda qondy, oǵan jarylǵysh zattar boıynsha jumys isteıtin mamandar jiberilgen.
«Boıng-777» ushaǵy TK34 reısimen, Hıýstonnan Ystambulǵa bara jatqan.
