Turkish Airlines kompanııasynyń ushaǵy shuǵyl Ystambul áýejaıyna qondy

NTV telearnasynyń habarlaýynsha, qazirgi ýaqytta áýe kemesiniń jolaýshylaryn qaýipsiz jerge kóshirý jáne órtti sóndirý jumystary júrgizilip jatyr.

A320 ushaǵy Atatúrik atyndaǵy halyqaralyq áýejaıdan senbi kúni tańerteń ushyp shyqqan. Áýege kóterilgennen keıin birneshe mınýt ótken soń onyń oń jaq qozǵaltqyshy jana bastaǵan. Ushqyshtar qaıtyp kelýge ruqsat surap, jedel qondy. Telearnanyń jarııalaǵan kadrlarynda laınerdiń sátti qonǵany, alaıda tejelýi kezinde qozǵaltqyshtyń ushý-qoný jolaǵynyń tósemin jyryp ótkeni kórinip tur.