Turkish Airlines Qazaqstanǵa reısterdi qaıta júrgize bastaıdy

NUR-SULTAN. QazAqparat - 13 qańtardan bastap «Turkish Airlines» áýe kompanııasy Ystambuldan Nur-Sultanǵa turaqty reısterdi qaıta bastaıdy, dep habarlaıdy QR IIDM baspasóz qyzmeti.

14 qańtardan bastap Aqtaýǵa, 15 qańtardan Túrkistanǵa reıserdi qaıta ashý josparlanýda. Sondaı-aq Almatyǵa turaqty reısterdi qaıta bastaý josparlanýda.

«Turkish Airlines» áýe kompanııasynyń reısterine bıletterdi áýe kompanııanyń saıtynan satyp alýǵa bolady.

Reıster sanıtarlyq – epıdemıologııalyq talaptardy qatań saqtaı otyryp júzege asyrylady.