Turkish Airlines áýe kompanııasy 13 jyldan keıin Damaskige ushatyn reısti qaıta iske qosty

ASTANA.KAZINFORM – Turkish Airlines áýe kompanııasynyń sırııalyq jolaýshylar mingen ushaǵy sońǵy 13 jylda alǵash ret beısenbi kúni Damask halyqaralyq áýejaıyna qondy. Bul týraly Sırııanyń memlekettik SANA aqparat agenttigi habarlady, dep jazady Sınhýa.

Turkish Airlines әуе компаниясы 13 жылдық үзілістен кейін Дамаскіге ұшатын рейсті қайта іске қосты
Фото: Pixabay

Áýejaıda ótken baspasóz máslıhatynda Sırııa Syrtqy ister jáne ekspatrıanttar mınıstriniń kómekshisi Ahmad Dýhan reısterdiń qaıta jandanýyn quptap, «Túrkııa úkimeti men halqyna Sırııa halqymen birge bolǵany úshin» alǵys aıtty.

Ahmad Dýhan ekijaqty qarym-qatynas «tamyrynyń tereńdigin» erekshe atap ótip, tikeleı áýe qatynasyn qalpyna keltirýdi «jańartylǵan yntymaqtastyqtyń bastaýy» ekenin jáne eline abyroımen oralǵysy keletin sheteldegi sırııalyqtar úshin úmit sáýlesi ekenin aıtty. 

Turkish Airlines kompanııasynyń bas dırektory Bılal Ekshı reısterdiń qaıta bastalýy Sırııanyń, onyń halqynyń jáne búkil aımaq múddesine qyzmet etetinin aıtty.

Damaskige túrik áýe kompanııasymen kelgen Túrkııa Syrtqy ister mınıstriniń orynbasary Nýh Iylmaz áýe qatynasynyń qaıta jandanýyn «tarıhı sát» dep atap, onyń Damaskti búkil álemmen qaıta baılanystyratynyn basa aıtty.

Eske sala keteıik, buǵan deıin 52 myńnan astam bosqyn Túrkııadan Sırııaǵa oralǵanyn jazǵan bolatynbyz.

Сейчас читают