Túrkimenstanda jurtshylyqtyń kóz aldynda 200 keli esirtki órteldi
ASTANA. QazAqparat - Túrkimenstannyń Ahal oblysynda Bagabat kentine jaqyn jerde jyl saıynǵy dástúrli shara aıasynda 200 keli esirtkilik zattar órteldi.
Jurtshylyqtyń kóz aldynda bolatyn bul shara Túrkimenstanda on jyldan beri jylyna eki ret - maýsym men jeltoqsan aılarynda uıymdastyrylady.
Órteletin esirtki zattary quqyq qorǵaý organdarynyń aǵymdaǵy jylǵy ótkizgen arnaıy is-sharalary kezinde tárkilengen,- dep habarlaıdy úkimettiń baspasóz qyzmeti.
Áskerıler, quqyq qorǵaý organdary jáne qoǵamdyq uıymdar ókilderiniń birlese kúsh jumsaýynyń nátıjesinde elde esirtki men esirtkige táýeldiler edáýir azaıdy. Resmı derekterge qaraǵanda, eger 2008 jyly 2,6 tonnadan astam esirtkilik zattar joıylsa, aǵymdaǵy jylǵysy 432 keli.
