Túrkimenstanda tegin gaz berý toqtatylady
ASTANA. 19 qańtar. QazAqparat - Túrkimenstan prezıdenti Gýrbangýly Berdimuhamedov halyqty tegin gazben qamtamasyz etý saıasaty toqtatylatyndyǵyn málimdedi.
Ol budan ary turǵyn úılerge gaz eseptegish qurylǵylar ornatylatynyn aıtty. Prezıdenttiń sózine qaraǵanda, qurylǵylar turǵyndardyń gazdy únemdeýine áser etedi".
Biraq Berdimuhamedov tegin gazdyń qaı kúni toqtatylatynyn aıtpaǵan. Túrkimenstandaǵy turǵyn úı sharýashylyqtaryna tegin gaz ben sý qubyrlary, elektr jelileri 1993 jyly tartylǵan.
Túrkimenstan prezıdenti byltyr bul saıasattyń 2030 jylǵa deıin jalǵasatynyn aıtqan edi.
Bul elde 5 mıllıondaı adam turady. Halqy shaǵyn memleket tabıǵı gaz qorynan álemde 4-oryn alady. Bılik sońǵy aılarda halyqqa berilgen bul sýbsıdııalar óte qymbatqa túskenin aıta bastaǵan bolatyn, dep habarlaıdy «Azattyq».
