Túrkimenstanda prezıdenttik saılaý 2017 jyly ótedi
Bul týraly Trend jazady.
Budan basqa, Túrkimenstannyń Demokratııalyq partııasynan basqa prezıdenttik saılaýǵa Ónerkásipshiler partııasy men agrarlyq partııa qosylýy múmkin.
«Bul partııalardyń básekelestigi eldiń qoǵamdyq-saıası ómirine jańa serpin beredi. Bul balamaly saılaýdyń joǵary deńgeıin qamtamasyz etedi, ıaǵnı, óz kezeginde, barsha qoǵamnyń, ár azamattyń saıası mádenıetin odan ári arttyrýǵa, halyq pen bıliktiń birligin nyǵaıtýǵa, qoǵamdy demokratııalyq negizderge shoǵyrlandyrýǵa yqpal etedi», - dep, aqparatta túrkimen basshysynyń sózi keltirilgen.
Sózin otyrys qatysýshylaryna baǵyttaǵan memleket basshysy saıası partııadan bolsyn, azamattar tobynan bolsyn kez kelgen tájirıbesi mol, halqynyń senimin aqtaı biletin joǵary bilimdi, quzyretti azamatqa Túrkimenstan prezıdenttigine saılaýǵa qatysýǵa múmkindik berý qajettigin atap ótti.
Qazirgi prezıdent Qurbanǵuly Berdimuhamedov eki ret saılandy. 2012 jylǵy aqpandaǵy sońǵy saılaýda oǵan 97,4 paıyz saılaýshylar daýys berdi.
