Túrkimenstanda Maqtymquly Fragıdiń jańa murajaıy ashyldy
ASTANA. QazAqparat - Túrkimenstandaǵy Balqan ýáláıatynda túrkimen jáne álem ádebıetiniń klassıgi Maqtymquly Fragıdiń mádenıe-memorıaldyq kesheni men murajaıy saltanatpen ashyldy, dep habarlady TURKMENISTAN.RU.
Ekiqabatty ǵımaratqa bes turaqty ekspozıtsııalvq zal briktirildi, onda jádigerlikterdi saqtaýǵa, zertteýge jáne eksponattardy kórsetýge barlyq jaǵdaı jasalǵan, sondaı-aq 300 oryndyq konferents-zal, kitaphana jáne ákimshilik aımaǵy bar.
Birinshi qabatqa Maqtymqulynyń ádebı murasyna arnalǵan «Garashsyzlyk» («Táýelsizdik») zaly, sondaı-aq aqynnyń týyp-ósken ólkesine arnalǵan «Tabıǵat» zaly ornalasqan.
Ekinshi qabatta «Arheologııa» zaly ornalasqan, onda ýáláıat aýmaǵynan tabylǵan arheologııalyq oljalar qoıylǵan, ǵalymdar ártúrli dáýirlerdegi júzden astam arheologııalyq eskertkishterdi tirkedi. Etnografııalyq ortalyq zalda túrkimen kıiz úıi, turmys salty jóninde baıandaıtyn eksponattar oryn alǵan.
Mýzeı eksponattary Maqtymquly ósip-óngen ortanyń mádenı-zııatkerlik ortasynynyń shynaıy kórinisimen, onyń ómirbaıanymen, túrkimen ulttyq mádenıetin qalyptastyrýdaǵy aıryqsha rólimen tanysýǵa múmkinidk beredi.
