Túrkimenstan Úndistanǵa gaz qubyryn sala bastady

ASTANA. QazAqparat - Túrkimenstan Aýǵanstan, Pákistan jáne Úndistanǵa gaz qubyryn sala bastady, dep habarlady Reıter agenttigi.

Joba quny 10 mıllıard dollar. Bul Túrkimenstannyń Qytaıǵa tabıǵı gaz eksportynda táýeldiligin azaıtady.

Gaz qubyry qurylysynyń bastalýynyń resmı sharasy "Galkynysh" gaz ken orny janyndaǵy Mara qalasynyń mańynda ótti.

"TAPI" gaz qubyrynyń jalpy uzyndyǵy 1814 kılometrdi quraıdy. Túrkimenstan aýmaǵynda 214 kılometr, Aýǵanstan aýmaǵynda 774 kılometr, Pákistan aýmaǵynda Úndistan shekarasyna deıin 826 kılometr qubyr salynady. Jyl saıyn qubyr 33 mıllıard tekshe metr gaz ótkizetin bolady.

Qurylysty bastaý sharasynda Túrkimenstan prezıdenti Gýrbangýly Berdymuhamedov jumys 2019 jyldyń jeltoqsanyna qaraı aıaqtalatynyn aıtty.