Túrkimenstan prezıdenti úkimet pen memlekettik kontsernder jetekshiligine jańa adamdardy taǵaıyndady
ASTANA. 13 qańtar. QazAqparat - Túrkimenstan prezıdenti Gýrbangýly Berdimuhamedov mınıstrler kabınetiniń keńeıtilgen otyrysynda kadr máselesine qatysty birqatar sheshimder qabyldady,
dep habarlady Rosbalt.
Senbi kúngi Túrkimenstan úkimetiniń habarlamasynda aıtylǵandaı, Myrat Artyqov úkimet tóraǵasynyń orynbasary bolyp taǵaıyndaldy.
Túrkimenstan energetıka mınıstriniń mindetterin atqarý energetıka mınıstriniń orynbasary Geld Saryevqa júkteldi.
Vıtse-premer Shamýhammet Dýrdylyev prezıdent isterin basqarý apparatynyń jetekshisi bolyp taǵaıyndaldy. Buǵan deıin osy laýazymda bolǵan vıtse-premer Palvan Taganov saýda jáne bırja qyzmeti salalaryna, sonymen birge Túrkimenstannyń Kásipkerler jáne ónerkásip ıeleri odaǵynyń jumysyna basshylyq jasaıtyn boldy.
Shatlyq Hýmmedov Túrkimenstanyń bas memlekettik salyq qyzmetiniń tóraǵasy, al osyǵan deıin Túrkimenstannyń BAÁ-degi elshisi qyzmetin atqarǵan Orazmyrat Gýrbannazarov azyq-túlik ónerkásibi memlekettik uıymynyń basshysy bolyp taǵaıyndaldy.
Prezıdent sonymen birge eldiń bank salasyna birqatar kadrlyq ózgerister engizdi.
Sonymen qatar Berdimuhamedov Charymuhammet Hommadovty «Túrkimengaz» memlekettik kontserniniń basshysy etip taǵaıyndady.
