Túrkimenstan parlamentindegi saılaýǵa alǵash ret eki partııanyń ókilderi qatysýda
ASTANA. 15 jeltoqsan. QazAqparat - Jeksenbi kúni tańerteń Túrkimenstanda parlamenttik saılaý bastaldy.
1991 jyly bul eldiń táýelsizdigi jarııalanǵannan beri parlamenttik saılaýǵa alǵash ret eki partııanyń ókilderi qatysýda.
Túrkimendik bir palataly parlamenttegi 125 orynǵa 283 kandıdat úmitti. Olar - Demokratııalyq partııa men Túrkimenstannyń Ónerkásipshiler men kásipkerler partııasynyń ókilderi.
Alaıda oppozıtsııa men quqyq qorǵaýshylardyń pikirinshe, qos partııa da prezıdenttiń qyzmetindegi «egizder» ispettes, al respýblıka azamattary burynǵysynsha shynaıy saılaýǵa qol jetkize almaı otyr.
