Túrkimenstan ardagerleri Jeńistiń 70 jyldyǵyna oraı 57 dollardan alady

ASTANA. QazAqparat - Túrkimenstannyń UOS ardagerleri jáne sarbazdardyń jesirleri Jeńistiń 70 jyldyǵyna oraı 200 manat (shamamen $57) kóleminde tólemaqy jáne baǵaly syılyqtar alady, dep habarlady RIA Novostı.

Mundaı jarlyqqa Túrkimen úkimetiniń otyrysynda prezıdent Gýrbangýly Berdimuhamedov qol qoıdy. Memleket basshysy túrkimen halqy ortaq Uly Jeńiske jetý úshin qomaqty úles qosqanyn atap ótti.

Ardagerler men sarbazdardyń jesirlerine memleket basshysy atynan tólemaqy berilip, baǵaly syılyqtarmen marapattaý oblystyq, aýdandyq jáne qalalyq ákimdikterge júkteldi.

Túrkimenstanda 9 mamyr - Uly Jeńis kúni - aıtýly merekelerdiń biri, munda soǵys ardagerleri zor qurmetke ıe.