Túrkimen prezıdenti qurylysshylarǵa ózi shyǵarǵan ándi oryndap berdi

ASTANA. QazAqparat - Túrkimenstan Prezıdenti Qurbanǵuly Berdimuhamedov Ahal ýálaıatyna jasaǵan sapary barysynda gaz-hımııa keshenin salyp jatqan qurylysshylarǵa ózi shyǵarǵan ándi oryndap berdi. Bul jaıynda QazAqparat chrono-tm.org saıtyna silteme jasap habarlaıdy.

Jarııalanǵan aqparatqa qaraǵanda áńgimelesý barysynda qurylysshylardyń biri prezıdentke gıtaramen án salyp bergen. Osydan keıin qolyna gıtara alǵan Berdimuhamedov óziniń  «Bagt nury» degen ánin oryndaǵan. Aıta keterligi, bul ánin ol osydan bir aı buryn jańajyldyq merekede shyrqaǵan bolatyn.

 

«Kezdesýge qatysýshylar úshin memleket basshysynyń eldiń qyz-kelinshekterine Halyqaralyq áıelder kúni qurmetine oraı birneshe jańa án shyǵarýǵa ýáde berýi tosyn syı boldy», - dep jazady atalǵan aqparat quraly.