«Túrkiler tóri Túrkistan» atty halyqaralyq onlaın konferentsııa ótti
TÚRKІSTAN. QazAqparat – Túrkistanda «Túrkiler tóri Túrkistan» atty halyqaralyq onlaın konferentsııa ótti. Sharaǵa Túrkııa, Ázerbaıjan, Ózbekstan jáne Qazaqstannyń alty óńirinen ataqty ǵalymdar, tanymal aqyn-jazýshylar men belgili tarıhshylar, jýrnalıster men mádenıet salasynyń mamandary qatysty, dep habarlaıdy QazAqparat tilshisi.
Sharany oblystyq ákimdiktiń Qoǵamdyq damý basqarmasynyń qoldaýymen jáne Qazaqstan Jýrnalıster jáne Jazýshylar Odaqtary Túrkistan oblystyq fılıaldary uıymdastyrdy.
Onlaın konferentsııaǵa Senat pen Májilistiń, oblystyq máslıhattyń depýtattary, aýdan ákimderi qatysyp, jalpy 300-deı adam Túrkistan óńirindegi kıeli jerlerdiń qyr-syryna birshama qanyqty. Sharada sakraldy jerlerdi jan-jaqty zerttep jazyp, tarıhtyń tereńine úńilgen qazaq ádebıetindegi klassık jazýshysy Marhabat Baıǵuttyń «Túrkiler tóri Túrkistan» atty kitabynyń onlaın tanystyrylymy ótti. Kitap aıtýly ǵalym, isker basshy Darhan Qydyráli tizgin ustaǵan Halyqaralyq Túrki akademııasynyń qoldaýymen jaryq kórgen bolatyn.
Túrkistan oblysy ákiminiń orynbasary Sáken Qalqamanov bıyl 75 jasqa tolǵan mereıtoı ıesine memleket basshysy Qasym-Jomart Toqaevtyń, oblys ákimi Ómirzaq Shókeevtiń arnaıy quttyqtaýyn oqyp berdi. Jazýshyǵa arnaıy tartý-taralǵy usyndy. Qazaqstan Jýrnalıster odaǵynyń tóraǵasy Seıitqazy Mataevtyń, Qazaqstan Jazýshylar odaǵynyń tóraǵasy Ulyqbek Esdáýlettiń, «Aýyl» partııasynyń tóraǵasy, chenator Álı Bektaevtyń, májilismen, «Nur Otan» fraktsııasynyń múshesi Darhan Myńbaıdyń konferentsııanyń ashylýymen jáne mereıtoımen quttyqtaǵan hattary týraly aıtyldy.
Onlaın konferentsııada qatysýshylar jaryssózge shyǵyp, Marhabat Baıǵuttyń kitap týraly pikirlerin ortaǵa saldy. Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń Senat zalynda ótken alqaly jıynda ýnıversıtettiń rektory Bolatbek Ábdirasylov sóz sóılep, qundy kitaptyń mańyzdylyǵyna toqtaldy. Jazýshyny mereıtoıymen quttyqtap, «Túrkiler tóri Túrkistanda» aıtylǵan kıeli jerlerge baılanysty júrgizilip jatqan zertteý jumystary jaıly jurtqa baıandap ótti. Talantty qalamger Marhabat Baıǵutqa júrekjardy lebizin bildirip, syı-syıapat jasady.
«Túrki álemine qyzmeti úshin» syılyǵynyń ıegeri Marhabat Baıǵuttyń bul kitabyn Túrki akademııasy jaryqqa shyǵaryp otyr. Jazýshy bul eńbeginde týǵan jeri Túrkistan óńiriniń tarıhyn, tabıǵatyn, dalasy men taýlaryn, saıyn dalanyń uldary – dańqty tulǵalar, bıleýshiler, ózge de qaıratkerlerin arqaý etip, esselerge aınaldyryp baıandaıdy. Sonymen qatar Marhabat aǵamyz qoǵamdaǵy máselelerdi kóterip, ony jan-jaqty zerdeleı otyryp qamtyǵan, taqyryby aýqymdy. Óziniń ómirden kórgen-túıgenin aq qaǵazǵa túsirip, keıingi urpaqqa týǵan jerdiń qasıetin aıta otyryp, qasterleýge úıretedi. Sizdiń Túrkistan óńiri týraly jazǵan osy eńbegińizben ólkemizdiń tarıhyna úlken úles qosyp otyrsyz. Basqa eńbekterińizden orny bólek, oqyrmandarǵa ǵana emes, Túrkistanǵa arnaıy keletin sheteldik qonaqtarǵa da bereri kóp kitap ekeni sózsiz», – dedi Bolatbek Ábdirasylov.
Konferentsııa sońynda «Túrkistan týraly jyr» aıtylyp, arnaıy daıyndalǵan beınerolıkter kórsetildi. Jazýshy da jıyndy uıymdastyrýshylarǵa alǵysyn jetkizip, sharany túıindedi.
