Túrki uıymynyń artyqshylyqtary bar– amerıkalyq sarapshy

VAShINGTON. QazAqparat – AQSh-taǵy bıznes ortanyń sarapshysy, professor Ýeslı Hıll QazAqparat tilshisine Túrki memleketteri uıymynyń keleshegi týraly pikirlerin aıtty.

Qos sarapshy da AQSh Túrki memleketteri uıymynyń nyǵaıýyna, 2023 jyly Qazaqstanda ótetin onynshy sammıtke tilektestikpen qaraıtynyn atap ótti.

Ýeslı Hıldiń paıymynsha, Túrki memleketteri uıymynyń artyqshylyqtary barshylyq: Ortalyq Azııa blogynda óńirlik jáne mádenı baılanystardy nyǵaıtyp, Eýropa Odaǵyna Túrkııa, Grýzııa, Ázerbaıjan jáne Ortalyq Azııa arqyly ótetin taýar tasymalynyń dálizin senimdi ete túsedi, Ortalyq Azııa elderiniń óz ekonomıkasyna ınvestıtsııa tartýyna septigin tıgizedi.

Al AQSh-taǵy bıznes ortanyń sarapshysy Túrki memleketteri uıymynyń aıasynda qolǵa alynǵan qarjylyq, logıstıkalyq, energetıkalyq jobalardy AQSh-tyń qoldaıtynyn aıtty. Onyń aıtýynsha, AQSh bul uıymǵa Eýropany qajetti energııa resýrsymen qamtıtyn asa mańyzdy qurylym retinde qarap otyr. Onyń ústine Amerıka taraby Túrki memleketteri uıymyna Eýropanyń energetıka naryǵyndaǵy básekeles retinde qaramaıdy. Óıtkeni Eýropa Odaǵynyń energetıkalyq resýrsqa degen suranysy óte aýqymdy.

Deı turǵanmen, sarapshylardyń Túrki uıymyna múshe memleketterdiń ishinde AQSh úshin qaısysy mańyzdy seriktes ekeni týraly pikirleri ár túrli bolyp shyqty.

Ýeslı Hıll AQSh ásirese Túrkııamen jáne Ázerbaıjanmen tyǵyz baılanys ornatyp otyr dep esepteıdi. Vashıgton úshin keıbir máseledegi ustanym qaıshylyǵyna qaramastan, aımaqtaǵy eń senimdi seriktes Ankara bolyp tur. Al Ázerbaıjan eń áýeli Eýropanyń energetıkalyq qaýipsizdigi turǵysynan AQSh úshin mańyzdy seriktes bolsa kerek.

AQSh-taǵy bıznes ortanyń sarapshysy bolsa, AQSh úshin Ankaradan keıingi mańyzdy seriktes Astana dep oılaıdy. Onyń paıymynsha, Túrkııanyń óńirde júrgizip otyrǵan saıasaty Vashıngtonnyń ustanymymen sáıkesedi. Al Qazaqstanda amerıkalyq bıznestiń úlesi basym. Eki eldiń arasyndaǵy ekonomıkalyq baılanystyń tarıhy baı.

Eki sarapshy da AQSh Túrki uıymynyń qaýipsizdik máselesindegi áriptestigine beıtarap qaraıtynyn, uıym aıasyndaǵy qarym-qatynasta ekonomıkalyq jáne dıplomatııalyq baılanys áskerı yntymaqtan joǵary turý kerek dep esepteıtinderin aıtty.