Túrki tildes elderdiń ýıkıpedııashylary Almatyda bas qosady
ALMATY. 17 sáýir. QazAqparat - Almatyda 20-21 sáýir kúnderi «Túrki tildes ýıkıpedııashylar konferentsııasy» («TURKIC WIKIMEDIA CONFERENCE») bolady.
Ál-Farabı atyndaǵy Qazaq ulttyq ýnıversıtetinde ótetin bul shara kezinde Qazaqstan, Túrkııa, Ázirbaıjan, Ózbekstan, Qyrǵyzstan, Túrkmenstan, Tatarstan, Bashqurtstan jáne Saha elderindegi ýıkı-qaýymdastyqtardyń ókilderi bas qosady. Oǵan Wikimedia Foundation, Creative Commons, Open Software Faoundation sekildi halyqaralyq uıymdar men qozǵalystardyń jáne «Google» kompanııasynyń ókilderi de qatyspaq. Bul konferentsııany TURKSOY halyqaralyq Túrik mádenıeti uıymynyń qoldaýymen «WikiBilim» qoǵamdyq qory, Wikimedia Foundation, jáne Ál-Farabı atyndaǵy QazUÝ men «Beeline» kompanııasy birlesip uıymdastyrýda. Onda vıkıpedıa entsıklopedııasynyń túrki tildes taraýlarynyń damý máseleleri talqylanady. Sondaı-aq Creative Commons lıtsenzııalaryn qoldaný jáne olardy nasıhattaý máseleleri men ashyq lıtsenzııalar men ashyq baǵdarlamalardybilim berý jáne ǵylymdy damytý maqsatynda qoldaný sóz bolady. Al «Google» kompanııasynyń ókilderi arnaıy sessııada túrki tilderindegi kontentti arttyrý úshin «Google» tuǵyrnamasyn paıdalaný múmkindikterin taldap, «Google» aýdarmashyǵa jańa tilderdi qosý joldaryn baıandamaq.
