Túrki mýzykalyq ansambli QR Táýelsizdik kúnine oraı qazaq týyndylaryn oryndady

NUR-SULTAN. QazAqparat – Túrkııanyń Mádenıet jáne týrızm mınıstrliginiń Ankara Túrki álemi mýzykalyq ansambli baýyrlas el - Qazaqstannyń Táýelsizdik kúnine oraı qazaq týyndylaryn oryndady, dep habarlaıdy QazAqparat tilshisi.

Bul jaıly vıdeony Qazaqstannyń Túrkııadaǵy Elshisi Abzal Saparbekuly Facebook -tegi óz paraqshasynda jarııalady.

Atap aıtqanda, mýzykanttar sózin QR Tuńǵysh Prezıdenti – Elbasy Nursultan Nazarbaev, ánin - Májilis depýtaty Bekbolat Tileýhan jazǵan «Elim meniń» shyǵarmasyn oryndady.