Túrki memleketteri arasynda jeńildetilgen keden dálizi júıesi qurylady

ASTANA. QazAqparat – Túrki memleketi uıymdarynyń úkimetteri arasynda«Ońaılatylǵan keden dálizi» júıesi qurylýy múmkin. Bul týraly el Úkimeti ázirlegen kelisim jobasynda kórsetilgen, dep habarlaıdy QazAqparat tilshisi.

Qujatta kórsetilgendeı, atalǵan júıe Qazaqstan, Ázerbaıjan, Qyrǵyzstan, Túrkııa jáne Ózbekstan memleketterimen aradaǵy saýdada kedendik tártipterdi jeńildetpek.

«Jeńildetilgen keden dálizi» – atalǵan elder arasyndaǵy taýar aınalymynda aldyn ala aqparat almasýǵa jáne kóliktiń barlyq túrlerinde paıdalanylýy múmkin elektrondyq júıe. Osy kelisim kúshine engennen keıin taraptar 6 aı ishinde pılottyq jobany uıymdastyrady jáne júzege asyrady. Pılottyq jobanyń alǵashqy 3 aıynda taraptardyń keden organdary aqparat almasýdyń negizgi tehnıkalyq sharttaryn, beriletin derekterdiń tizbesi men qurylymyn jáne aqparattyq qaýipsizdikke qoıylatyn talaptardy oryndaýy tıis. Al kelesi 3 aı ishinde taraptar«Ońaılatylǵan keden dálizin» praktıkalyq negizde iske asyrady», - delingen qujatta.

Kelisim aıasynda atalǵan elderdiń saýda operatorlaryna da basymdyq beriledi. Atap aıtqanda, kedendik resimdeý ýaqyty qysqarady, ońaılatylǵan kedendik júıe qurylady.

Sonymen qatar, keden zańnamasyn buzý faktileri tirkelmegen bolsa, onda taýardy jiti tekserý júrgizilmeıdi.

Qujatta jazylǵandaı, eger jiti kedendik tekserý qajet bolsa, ol qysqa merzimde júrgizilýi tıis.

Foto: beltransways.com