Túrki keńesiniń ókilderi Ámirjan Qosanov shtabynda boldy

NUR-SULTAN. QazAqparat - Prezıdenttikke úmitker Ámirjan Qosanovtyń shtabynda Túrkitildes memleketter yntymaqtastyǵy keńesi delegatsııasymen kezdesý ótti, dep habarlaıdy kandıdattyń baspasóz qyzmeti.

Túrkitildes memleketter yntymaqtastyǵy keńesi, Islam yntymaqtastyǵy uıymy jáne Túrkitildes memleketterdiń parlamenttik Assambleıasy delegatsııalary QR prezıdenttigine úmitker Ámirjan Qosanovtyń respýblıkalyq shtabyna keldi.

QR Prezıdentiniń kezekten tys saılaýyn baqylaý mıssııasy aıasynda uıym ókilderi shtabtyń jumysymen tanysty.

Kezdesý barysynda kandıdat saılaýaldy platformasyndaǵy negizgi baǵyttar, óńirlerdegi jumys jáne jýyq aradaǵy óz josparlary týraly aıtyp berdi.

Taraptar saılaýaldy kezeńde jemisti yntymaqtastyqty odan ári jalǵastyrýǵa kelisti.