Túrki keńesiniń beıresmı sammıti rýhanı yntymaqtastyqtyń jańa kezeńge kóterilgenin kórsetti – Abaı Otar
«Túrkitildes memleketter yntymaqtastyǵy keńesiniń beıresmı sammıtiniń mańyzy erekshe bolǵanyn atap ótken jón. Jıyn barysynda birqatar ózekti máselelerge nazar aýdaryldy. Solardyń ishinen eki máselege erekshe atap ótkim keledi. Birinshisi, ekonomıkalyq yntymaqtastyq arta túspek. Máselen, koronavırýs pandemııasy saldarynan Qazaqstan men túrkitildes memleketter arasyndaǵy saýda aınalymy 7 mıllıard dollarǵa jýyq boldy. Prezıdent Qasym-Jomart Toqaev aıtyp ótkendeı, bul – indetke deıingi kezeńmen salystyrǵanda 11,2 paıyzǵa az», - dedi Abaı Otar.
Osy oraıda, ol Memleket basshysynyń Túrkistan óńirinde túrki elderiniń birlesken «Arnaıy ekonomıkalyq aımaǵyn» qurýdy, sondaı-aq Ózbekstan Prezıdenti Shafkat Mırzıeev Túrki keńesi elderiniń Damý bankin qurýdy usynýy baýyrlas elder arasyndaǵy ekonomıkalyq qarym-qatynasqa erekshe mán berilip otyrǵanyn kórsetetindigin aıtady.
«Ózderińizge málim, qazirgi tańda mundaı damý bankteri álemniń túkpir-túkpirinde tabysty jumys istep otyr. Tipti, taıaýda Eýropalyq ınvestıtsııa bankiniń prezıdenti Verner Hoıer Eýropa qaıta qurý jáne damý bankine qosymsha qurlyqtaǵy ekonomıkalyq ahýaldy nyǵaıtý úshin Eýropa damý bankin qurýdy usyndy. ıAǵnı, mundaı qadam yntymaqtastyqty arttyra túsetini sózsiz. Sonymen qatar arnaıy ekonomıkalyq aımaq qurý ózara saýda-ekonomıkalyq qarym-qatynasty jańa kezeńge shyǵarady», - dedi ol.
Onyń atap ótýinshe, ekinshiden, túrki elderi arasyndaǵy rýhanı baılanysqa da úlken mán berilip otyr.
«Jıyn barysynda Prezıdent Qasym-Jomart Toqaevtyń «Uly túrkiler» bilim berý qoryn qurýdy, Túrkistan óńirinde arheologııalyq ǵylymı-zertteý jumystaryn júrgizýge basa mən berýdi usynýy osyny ańǵartady. Budan bólek, sammıtte qabyldanǵan «Túrkistan» deklaratsııasynda túrki álemine tanymal birqatar tulǵalardyń mereıtoıyn keń kólemde atap ótý máselesi aıtyldy. Sondaı-aq Ázerbaıjannyń memlekettik tutastyǵy qaıta ornaǵany da sóz boldy. Munyń bári rýhanı yntymaqtastyń jańa kezeńge kóterilgenin kórsetedi», - dedi Abaı Otar.
