Túrki keńesiniń bas hatshysy Ózbekstanǵa keldi

TAShKENT. QazAqparat – Túrki tildes memleketterdiń yntymaqtastyq keńesiniń bas hatshysy Baǵdad Ámreev úsh kúndik saparmen Ózbekstanǵa keldi, dep habarlaıdy «QazAqparat» HAA menshikti tilshisi.

Ózbekstannyń syrtqy ister vedomstvosynyń málimetinshe, Baǵdat Ámreev sapar aıasynda Syrtqy ister, ınvestıtsııa jáne syrtqy saýda mınıstrlikterinde, Ózbekstannyń saýda-ónerkásiptik palatasynda kezdesýler ótkizip, Túrki tildes memleketterdiń yntymaqtastyq keńesi iskerlik keńesiniń alǵashqy otyrysyna jáne Ózbekstan, Ázerbaıjan, Majarstan, Qazaqstan, Qyrǵyzstan men Túrkııa elderiniń kásipkerleriniń qatysýymen ótetin ınvestıtsııalyq bıznes-forýmǵa qatysady.

Eske sala keteıik, Túrki tildes memleketterdiń yntymaqtastyq keńesi – zamanaýı túrki tildes halyqtardy biriktiretin halyqaralyq uıym. Maqsaty – múshe elderdiń arasynda jan-jaqty yntymaqtastyqty damytý. Keńeske Qazaqstan, Túrkııa, Ázerbaıjan, Ózbekstan jáne Qyrǵyzstan elderi kiredi.

Avtor: Mıras Qýandyqov