Túrki Keńesiniń Bas hatshysy QR Syrtqy ister mınıstrimen kezdesti
Bul týraly QazAqparat Túrki keńesiniń baspasóz qyzmetine silteme jasap habarlaıdy.
Kezdesý barysynda Bas hatshy men mınıstr aldaǵy 2019 jyly 15 qazanda Baký qalasynda ótetin Túrki Keńesiniń 7-shi Sammıtiniń daıyndyq máselelerin talqylady. Sóz arasynda mınıstr Muhtar Tileýberdi Túrki memleketteri yntymaqtastyq keńesiniń 7-shi Sammıti barlyq múshe memleketterdiń múddelerine qyzmet etetin halyqaralyq uıymnyń tarıhyndaǵy aıryqsha oqıǵa bolatynyn atap ótti.
Sondaı-aq, taraptar Ózbekstannyń Túrki keńesine tolyqqandy múshe retinde kirýine, Majarstannyń baıqaýshy el retinde Keńestiń Eýropalyq ofıs-ókildiktiń ashylýyna, Uıymnyń ekonomıkalyq vektorynyń nyǵaıýyna, onyń basqa da halyqaralyq uıymdarmen yntymaqtastyqtyń barysyna qanaǵattanýshylyq bildirdi.
QR Syrtqy ister mınıstri Bas Hatshyǵa Uıymǵa múshe memleketter arasyndaǵy yntymaqtastyqty ári keńeıtý jolyndaǵy jumystaryna sáttilik tilep, aldaǵy Sammıt Túrki Keńesiniń múshe elderiniń birligin odan ári nyǵaıtý jolynda mańyzdy bir qadam bolatynyna senim bildirdi.