Túrki keńesi TIKA-men tyǵyz áriptestik máselesin talqylady

NUR-SULTAN. QazAqparat – Túrki keńesiniń Bas hatshysy Baǵdad Ámireev Túrkııanyń halyqaralyq árekettestik jáne yntymaqtastyq basqarmasy (TIKA) shtab-páterinde boldy, dep habarlaıdy QazAqparat.

TIKA prezıdentiniń mindetin atqarýshy Serkan Kaıalarmen kezdesý barysynda Bas hatshy Baǵdad Ámireev TIKA-nyń búkil álem jáne túrki álemi boıynsha jobalary men baǵdarlamary týraly aqparat aldy. TIKA basshysy sonymen qatar Túrkııanyń túrkitildes memleketterdiń áleýmettik-ekonomıkalyq damýyna qosyp jatqan mańyzdylyǵyn atap ótti. Osyǵan oraı, S.Kaıalar myrza arnaıy jobalardyń barysynda, onyń ishinde múshe memleketterdegi adamı áleýetti arttyrý maqsatynda Túrki keńesimen áriptestikti tyǵyz damytýǵa daıyn ekendigin aıtty.

Bas hatshy Baǵdad Ámireev TIKA basshysyn Túrki keńesiniń jumysymen, onyń ishinde Túrki keńesiniń 7-Sammıtinde kóterilgen saýda jáne ekonomıka salasyndaǵy is sharalarymen tanystyryp, uıymnyń bolashaq mıssııasy men maqsattary sondaı-aq Túrki keńesi men TIKA arasyndaǵy áriptestik múmkindikterine qatysty óziniń kózqarasyn aıtty.

Osyǵan oraı taraptar ózara múddelilikti kórsetetin salalarda jáne eki uıymnyn 2020 jyly birlesken jobalardy iske asyrý jáne yntymaqtastyqty nyǵaıtýdyń múmkin bolatyn quraldaryn úılestirý týraly pikirlerimen bólisti.

Kezdesýge Bas hatshynyń orynbasary, Omer Kodjaman jáne Joba dırektory Ozge Pan katysty.