Túrki keńesi ishki shıelenisterdi sheshýge septigin tıgizýi tıis - Halıl Akyndjy

ASTANA. QazAqparat - Túrki keńesi ishki shıelenisterdi sheshýge septigin tıgizýi tıis. Mundaı pikirdi Túrki memleketteri uıymynyń birinshi bas hatshysy Halıl Akyndjy aıtty, dep habarlaıdy QazAqparat tilshisi.

«Túrki keńesi ishki shıelenisterdi sheshý jolynda óz rólin atqarýy tıis. Sonymen qatar ol ekonomıkalyq yntymaqtastyqty nyǵaıtýǵa da septigin tıgizýi qajet», - dedi Halıl Akyndjy elordada ótip jatqan І Ortalyq Azııa medıaforýmynda.

Sonymen qatar ol Keńes odaǵy kúıregennen keıin bastalǵan Ortalyq Azııa ekonomıkalyq odaǵy týraly jobany eske aldy.

«Mundaı odaq qurý qajet boldy. Óıtkeni, ekonomıkalarymyz bir-birin ózara tolyqtyrady. Sonymen qatar bárimiz keńese otyryp ári tek óńirlik yntymaqtastyq arqyly sheshetin problemalar bar. Máselen, sý resýrstarynyń jetispeýshiligine qatysty túıtkildi máselege toqtalaıyn. Tájikstan men Qyrǵyzstanda sý resýrstary, al qalǵan elderde egin alqaptary mol. Sondyqtan sýdy óńir ishinde tıimdi tutynýdy qamtamasyz etý máselesin sheshý úshin biryńǵaı organ qajet. Ekinshi másele – óńirlik ıelik nemese basqarý», - deıdi uıymnyń birinshi bas hatshysy.

Halıl Akyndjy Aýǵanstandaǵy turaqtylyqtyń saqtalýy búkil óńir úshin óte mańyzdy ekendigin de basa aıtty.