Túrki keńesi elderiniń Damý bankin quratyn kez keldi - Shavkat Mırzıeev

NUR-SULTAN. QazAqparat – Túrki keńesi elderiniń Damý bankin quratyn kez keldi. Bul týraly Túrki tildes memleketterdiń yntymaqtastyq keńesiniń beıresmı sammıti barysynda Ózbekstan Prezıdenti Shavkat Mırzıeev aıtty, dep habarlaıdy QazAqparat tilshisi.

«Damýdyń jańa dáýirinde biz kez kelgen syn-tegeýringe daıyn bolýymyz, áleýetimizdi birlese otyryp qoldanýymyz kerek. Sonymen qatar osy jyldardyń ishindegi basty maqsatymyz ekonomıkalyq qarym-qatynasymyzdy nyǵaıtý boldy. Degenmen ol naqty qujattarǵa negizdelýi tıis», - dedi Ózbekstan Prezıdenti.

Sonymen qatar ol Túrki keńesiniń ınvestıtsııalyq qoryn qurý qajettigin atap ótti.

«Túrki keńesi óziniń ınvestıtsııalyq qoryn jasaqtap, Damý bankin ashatyn ýaqyt keldi. Osyǵan qatysty naqty jumystardy bastaýǵa daıynbyz. Munan bólek, kólik-tranzıt áleýetimizdi damytýdyń mańyzdylyǵy artyp keledi. Oǵan óńirimizdiń barlyq múmkindigi de,áleýeti de bar. ıAǵnı, Ortalyq Azııa arqyly Qytaı, Úndistan, Pákistan syndy álemdik naryqqa shyǵar jol ashýymyz qajet. Al Ázerbaıjan men Túrkııa arqyly Eýropa elderine shyǵa alar edik. Al bul ınfraqurylymdyq jobalardy qajet etedi», - dedi Shavkat Mırzıeev.