Túrki halyqtarynyń tarıhy Qytaı tarıhynan da tereń - M. Myrzahmetuly
Bul týraly keshe QR Memlekettik syılyǵynyń ıegeri, fılologııa ǵylymdarynyń doktory Mekemtas Myrzahmetuly Sheıh Ahmet Qudaıdad Tarazıdiń "Kórkem sóz óneri" ("Fonýn ál-bálaǵe") kitabynyń qazaq tilindegi aýdarmasynyń tanystyrylymynda aıtty.
"Bul búkil túrki halyqtarynyń abyroıyn kóteretin kitap. Halyqtyń jan dúnıesi poezııa arqyly shyǵady. Óleń ýáji teorııasy jazylǵan bul eńbek arqyly biz endi 400-ge jýyq kitabı aqynnyń murasyn zertteı alamyz. Jalpy túrki halyqtarynyń tarıhy Qytaı tarıhynan da ary jatyr dep oılaımyn. Bizdiń túp otanymyz qazirgi Túrkııa, Grekııa elderi turǵan jer", - deıdi professor Mekemtas Myrzahmetuly.
Ǵalymnyń aıtýynsha, túrki halyqtarynyń tarıhyna qatysty kóptegen materıaldar keıingi kezeńderde maqsatty túrde joıylǵan. Máselen, Orhon-Enıseı jazbalarynyń qaǵazǵa túsken nusqalaryn 1-Petr órtetip jibergen. Qazir Orhon-Enıseı jazýymen jazylǵan táńirshildik dininiń bir tomy Rım papasynyń qorynan tabylyp otyr. Biz qazir orbıtaǵa shyǵyp álemdi kóre almaı turmyz. Eger óz muramyzdy zerttep, aınalymǵa túsirsek qorlanǵan halqymyz ózin jabaıy dep kelgen qorlaýshylardyń kózin shuqıtyn dárejege jetedi.
