Túrki halyqtarynyń dúnıejúzilik quryltaıyna qatysýshylar bomba jaıly habarlamadan keıin tarap ketti
ASTANA. QazAqparat - «Rýh Ordo» mádenı ortalyǵynda (Ystyq kól oblysy, Cholpon Ata qalasy) jarylǵysh zat ornatylǵandyǵy jaıly habarlama jalǵan bolyp shyqty. Bul jaıly óńirdiń ІІB málimdedi, dep habarlaıdy 24.kg.
Jarylǵysh zat ornatylǵandyǵy jaıly jasyryn habarlama polıtsııa qyzmetiniń kezekshi bólimine tańerteń erte túsken.
Tártip saqshylary ortalyqty qorshaýǵa alyp, barlyq adamdar keshennen aýlaq aımaqqa shyǵaryldy. Saperler de jumyldyryldy, alaıda eshqandaı jarylǵysh jáne basqa da kúdik týdyratyn zat tabylǵan joq.
Qazirgi ýaqytta polıtsııa qyzmetkerleri habarlama bergen qońyraý shalýshyny izdestirýde.
Aıta keteıik, búgin Cholpon Atada Túrki halyqtarynyń dúnıejúzilik quryltaıy ótýge tıis bolatyn. Sharany «Rýh Ordo» mádenı ortalyǵynda ótkizý josparlanǵan. Alaıda, jarylǵysh qurylǵy jaıly habarlamadan keıin qatysýshylardyń bári tarap ketip, quryltaı ótpeı qaldy. Forým sál keıinirek Qazaqstanda ótkiziletin boldy, dep habarlady 24.kg.
