Túrki halyqtarynyń arasynan bilikti sáýletshiler daıarlap, túrki áleminiń tarıhynan syr shertetin ǵımarattar salý kerek - Abdolla Gúl
STANA. Mamyrdyń 25-i. QazAqparat /Rýslan Ǵabbasov/ - Túrki halyqtarynyń arasynan bilikti sáýletshiler daıarlap, túrki áleminiń tarıhynan syr shertetin ǵımarattar salý kerek. Bul týraly búgin Astanadaǵy Túrkitildes elderdiń sáýlet óneri jáne qala qurylysy boıynsha ІІІ-shi halyqaralyq quryltaı men «Qazaqstan 2010 qala qurylysy forýmy» barysynda Túrkııa Prezıdenti Abdolla Gúl málim etti,
dep habarlaıdy QazAqparat.
«Bul quryltaıdyń basty maqsaty -túrki áleminiń ıdeıalaryn jumyldaryp, Astana sekildi órkendep kele jatqan qalalardy damytýǵa negizdelip otyr»,-dedi Prezıdent. Osy turǵyda Túrkııa Prezıdenti óz eliniń tanymal sáýletshileri jınaqtaǵan tájirıbelerimen osy quryltaıda barynsha bólisýge shaqyrdy.
«Nursultan Nazarbaevpen Astananyń Sol jaǵalaýyn aralaǵanymyzda ózindik kóriktiligimen erekshelenetin tarıhı-mádenı máni bar ǵımarattardy baıqadym»,-dedi A. Gúl.
Túrkııa basshysy búginde túrki álemi elderinde ózindik ereksheligi bar ǵımarattar bar ekenin aıta kele, osy oraıda bul erekshelikterdi saqtap qalyp, bilikti sáýletshilerdi daıarlaýǵa birlesip kúsh-jigerdi salý kerektigin jetkizdi.
«Sebebi, biz basqa memleketterden sáýletshilerdi shaqyrǵan kezde olar ózderiniń mádenıetine, tarıhyna baılanysty jobalardy jasaıdy. Sondyqtan túrki halyqtarynyń sáýletshilerin tárbıeleýimiz qajet. Atap aıtqanda, olarǵa bizdiń tarıhty, mádenıetti jaqsylap túsindirip, qalalarymyzda keremet ǵımarattardy salýymyz kerek»,-dedi Túrkııa Prezıdenti.
«Ystambul ózindik tarıhy, sáýlet ǵımarattary mol qala ekenin bilesizder. Sol sekildi túrkitildes halyqtardyń ishinde osyndaı qalalardy damytýymyz kerek. Biz búginde qazirgi zamanǵy úlgidegi nysandardy salyp jatyrmyz, alaıda ata-babamyz salǵan ǵımarattar tektes tarıhı áseri bar qurylystardy iske asyrýdy umytpaǵan jón», dedi Túrik basshysy.
