Túrki elderiniń saýda-ónerkásip palatasy quryldy

NUR-SULTAN. QazAqparat - Elordada ótip jatqan Astana ekonomıkalyq forýmy aıasynda Túrki saýda-ónerkásip palatasyn qurý týraly qujat qabyldandy, dep habarlaıdy QazAqparat tilshisi.

Oǵan Túrki tildes elderdiń Іskerlik keńesine múshe memleketterdiń saýda-ónerkásip palatalarynyń basshylary qol qoıdy.

«Túrki tildes elderdiń Іskerlik keńesiniń otyrysyna kelgen barlyq qatysýshylardy quttyqtaımyn. Búgingi ortaq palata óńirlik jáne jalpy damý maqsatynda Elbasy Nursultan Nazarbaevtyń bastamasymen usynylǵan bolatyn. Qazaqstan Úkimeti bul bastamany qýana qoldaıdy jáne ony damytýda, memleketter arasyndaǵy yntymaqtastyqty arttyrýda barynsha járdemdesedi. Atalǵan sharalar túrki elderindegi jeke sektor úshin de óte tıimdi, endi bul yntymaqtastyqtan naqty nátıjeler kútemiz», - dedi QR Premer-Mınıstri Asqar Mamın Nur-Sultan qalasynda ashylǵan Túrki tildes elderdiń Іskerlik keńesi otyrysynda.

«Atameken» ulttyq kásipkerler palatasynyń habarlaýynsha, jańa iskerlik uıym Keńeske múshe memleketter arasyndaǵy ekonomıkalyq baılanystardy, ónerkásip pen aýyl sharýashylyǵyn, ishki týrızm, keden, kólik syndy ózara tıimdi salalardy damytýǵa serpin bermek.