Túrki elderi prezıdentteri qol qoıatyn qujattardyń jobalary bekitildi

TAShKENT. QazAqparat – Túrki memleketteri uıymy (TMU) Syrtqy ister mınıstrleri keńesiniń beıresmı otyrysynda TMU memleketteri basshylarynyń sammıtinde qol qoıylatyn qujattardyń túpkilikti jobalary bekitildi, dep habarlaıdy QazAqparat.

Búgin Qazaqstan Respýblıkasy Premer–Mınıstriniń orynbasary - Syrtqy ister mınıstri Muhtar Tileýberdi TMU Syrtqy ister mınıstrleri keńesiniń beıresmı otyrysyna qatysty.

«SІM basshysy óz sózinde uıymnyń halyqaralyq arenadaǵy ósip kele jatqan jáne shoǵyrlandyrýshy rólin atap ótti. Mınıstr bıylǵy 12-13 qazanda Astana qalasynda ótken Azııadaǵy ózara is-qımyl jáne senim sharalary jónindegi keńestiń mereıtoılyq sammıtine qatysqany úshin TMU ókilderine alǵys bildirdi.

Otyrys barysynda qatysýshylar bıylǵy qarashada Ózbekstanda ótetin TMU memleketteri basshylarynyń sammıtine daıyndyq máselelerin talqylady, sondaı-aq osy is-shara barysynda qol qoıýǵa josparlanǵan qujattardyń túpkilikti jobalary bekitildi», - delingen QR SІM málimetinde.

Foto:gov.kz