Túrki dúnıesiniń aqsaqaly Elbasynyń esimimen elordany ataý óte oryndy bastama - Baqytbek Smaǵul
ASTANA. QazAqparat - Túrki dúnıesiniń aqsaqaly Elbasynyń esimimen elordany ataý óte oryndy bastama. Búgin QR Parlamenti Májilisiniń jalpy otyrysynan keıin QazAqparat tilshisine depýtat Baqytbek Smaǵul málim etti, dep habarlaıdy QazAqparat.
«Bul óte oryndy bastama dep túsingen jón. Búkil demokratııasy álemge áıgili AQSh-ta da eń birinshi osy eldiń irgesin qalaǵan Vashıngtonnyń atymen qala atalatyny belgili. Biz táýelsiz sana qalyptastyrý úshin, elimizdiń geografııalyq turǵan ornymyzdyń ereksheligine, qıyndyǵyna baılanysty, halyqtyń azattyqqa degen babalar armanyn, amatyn arqalaýy turǵysynda osy másele qazaq eli úshin óte mańyzdy. Sondyqtan da óziniń terin tókken, eldiń dańqyn álemdik deńgeıge kótergen, eldiń yqylasyna kenelgen, parasatty, Túrki dúnıesiniń aqsaqaly atanǵan, alysty jaqyndatyp, arazdy dostastyrǵan Elbasymyzdyń aty Qazaqstan halqy úshin erekshe. Osy oraıda belesten beleske kóterilý úshin «Máńgilik el» jolynda Táýelsiz Qazaqstannyń astanasy Elbasymyzdyń esimimen atalyp jatsa, bul óte laıyqty bastama»,-dep toqtaldy depýtat.
Osy oraıda ol búgin birlesken otyrystaǵy usynylǵan bastamany jaqsy sheshim dep baǵalaıtynyn jáne ony halyq túsinedi degen oıda ekenin atap ótti. B. Smaǵuldyń paıymynsha, eldiń armanyn aıalaǵan, óziniń eńbegin elinen aıamaǵan Elbasynyń esimin halyq laıyqty dárejede ustaýy tıis.
Budan buryn habarlanǵandaı, búgin QR Parlamenti palatalarynyń birlesken otyrysynda «Táýelsizdiktiń 25 jyldyǵy Qazaqstan jetistikteriniń deklaratsııasy» qabyldanyp, onda Elbasynyń esimin elordanyń jáne elimizdiń basqa da nysandarynda kórsetý usynylǵan edi.
