Túrki áleminiń jyl ádebıetshisi syılyǵy ózbek jazýshysyna berildi
Túrki elderiniń 19 memleketinen redaktorlar men jazýshylary, kórnekti mádenıet qaıratkerleri qatysyp otyrǵan kongress bıyl segizinshi ret uıymdastyrylyp otyr. Qalamgerlerdiń basyn qosqan jıynda Eýrazııa jazýshylar odaǵynyń tóraǵasy ıAkýb Omerogly sóz sóılep, túrki elderi ádebıetiniń búgingi jaǵdaıyna toqtaldy.
«Basqosýda ádebıet jýrnaldaryndaǵy oı-pikir, halyqtyń sana seziminde jańalyqtar ortaǵa salynady. Ádebıettegi jańalyqtar aıtylady. Jýrnaldardyń redaktorlary osynda bas qosyp, ádebıetterimizdegi jańa úrdisterdi bólisip, bolashaqqa birge baraıyq degen másele kóterdi», - deıdi ıAkýb Omerogly.
Sondaı-aq, Kongrestete Túrkııanyń tanymal tarıhshysy, halyqaralyq Osmanly Etıýdteri komıtetiniń basqarma múshesi, professor Ilber Ortaıly «Túrki áleminiń mádenıetindegi Túrkistannyń tarıhı orny» atty baıandama jasady.
Al Ońtústik Qazaqstan oblysy ákiminiń orynbasary Ulasbek Sádibekov túrki álemi aqyn-jazýshylary basqosýynyń mańyzdylyǵyna toqtaldy.
«Búgin ashylyp otyrǵan Túrki elderi ádebı jýrnaldary redaktorlarynyń VІІІ kongresi mán mańyzy tereń, aıtýly sharalarynyń birine aınalary sózsiz. Bul kongrestiń maqsaty - túrki halyqtarynyń ádebı baılanystaryn damytý arqyly túrki tilderindegi qazirgi zamanǵy aqparat almasýlardy jetildirý, ádebıet salasyndaǵy úzdik týyndylardy, ozyq qalamgerlerdi anyqtaý bolyp otyr. Adamzat órkenıetiniń óristenýine, mádenıettiń mándi bolýyna, aqyl oıynyń kemeldenýine túrik halyqtarynyń qosqan úlesi zor. Jańa dáýirde de túrki halyqtarynan shyqqan kórnekti aqyndar men jazýshylar álem ádebıetinde ózindik únimen kelip, qoltańbasyn qaldyra bildi. Qasıetti Túrkistan shaharynda ótkizilip otyrǵan basqosý baýyrlas halyqtardyń mádenıetterin nyǵaıta túsýge, ulttyq ádebıetterdiń kókjıegin keńeıtýge septigin tıgizedi dep úmittemin», - dedi oblys ákiminiń orynbasary Ulasbek Sádibekov.
Al, kongrestiń ekinshi bóliginde sektsııalyq májilistermen jalǵasyp, onda Túrkııa, Iran, Irak, Ázerbaıjan, Ózbekstan, Qyrǵyzstan, Altaı (RF), Daǵystan (RF), Tatarstan (RF), Bashqurtstan (RF), Kabardın-Balqar (RF), Saha-ıAkýtııa (RF), Kosovo, Makedonııa, Soltústik Kıprdan jáne Qazaqstannyń birneshe qalasynan kelgen belgili ádebıetshiler óz oılaryn ortaǵa saldy. Qalamgerler Túrkistan qalasynyń týrıstik aımaqtaryna ekskýrsııa jasady.
Aıta keteıik, TÚRKSOI halyqaralyq uıymynyń qoldaýymen sońǵy on jylda dástúrli sharaǵa aınalǵan Túrki álemi ádebı jýrnaldary redaktorlarynyń kongresi buǵan deıin Túrkııa, Tatarstan, Soltústik Kıpr jáne Ázerbaıjanda ótkizilgen bolatyn.
