Túrki áleminiń tarıhynda Ahmet ıAsaýı sııaqty gýmanıstik, pálsafalyq negizderdi qalaǵan basqa tarıhı tulǵany aıta almaımyn - QR UǴA Prezıdenti
ALMATY. Naýryzdyń 11-i. QazAqparat /Erlik Erjanuly/ - Túrki halyqtarynyń arasynda eshýaqytta dinge baılanysty qaqtyǵys, soǵys bolmaǵan. Bul búgin Almatyda ótken "Qoja Ahmet ıAsaýı murasy jáne qazirgi zamanǵy ıslam mádenıeti" dep atalatyn halyqaralyq ǵylymı konferentsııada aıtyldy,
dep habarlaıdy QazAqparat.
"Qoja Ahmet ıAsaýıdyń shyǵarmalaryna arnalǵan bul konferentsııa qazaq halqy úshin óte qundy. Onyń sebebi, ıslam mádenıetinde, onyń ishindegi sopylyq mádenıettegi aǵymdy Qoja Ahmet ıAsaýı shyǵarǵan. Búkil túrki halyqtarynda dinge baılanysty eshýaqytta qaqtyǵys, soǵys bolmady. Óıtkeni, sopylyq fılosofııa beıbitshilikke umtylý, parasattylyqqa adamzatty umtyldyrý, bilimdi joǵarylatý, ǵylymdy júrgizý degen sııaqty qundylyqtardyń bárine arnalǵan. Soǵan ún jaǵynan jol ashady. Sondyqtan óte qundy", deıdi QR UǴA Prezıdenti Murat Jurynov. Onyń aıtýynsha, ıAsaýı murasyn zertteý túrki dúnıesiniń qarashańyraǵyndaǵy qazaq halqynyń birinshi mindeti. Áıgili ǵulamanyń eńbekteri, ómir joly, isteri buǵan deıin bizge qaraǵanda Túrkııada tereńirek zertteldi. Oǵan keńestik júıede A. ıAsaýı muralarynyń jabyq bolýy óz yqpalyn tıgizdi. Bul olqylyq Qazaqstan táýelsizdikke qol jetkizgennen keıin ǵana túzele bastady. Máselen 1991 jyly Qazaqstan aýmaǵynda 2-aq ýnıversıtet boldy (QazMÝ men QarMÝ).
"Úshinshi ýnıversıtetti - respýblıkadaǵy halqy eń kóp oblysta ýnıversıtet ashý kerek dep suraǵan Ońtústik Qazaqstan oblystyq partııa komıtetiniń 1-shi hatshysy Tereşenko myrza boldy. QR Prezıdenti ony Shymkentte emes, Túrkistanda ashaıyq jáne oǵan Ahmet ıAsaýıdiń atyn bereıik dep usynys jasady. Sondyqtan ol aldymen Ahmet ıAsaýı atyndaǵy Túrkistan memlekettik ýnıversıteti dep ataldy. 2 jyldan keıin ol Qoja Ahmet ıAsaýı atyndaǵy qazaq-túrik ýnıversıteti dep ózgerdi", deıdi joǵary oqý ornynyń negizin qalap, damytqan Murat Jurynuly.
