Túrki áleminiń «Ortaq álipbı komıssııasy» quryldy - Sheteldegi qazaq tildi BAQ-qa sholý
Qytaıdaǵy «eń bıik aǵashtyń» rekordy 83,4 metrmen jańardy - «Halyq gazeti»
Qytaıdyń bıik aǵashty zertteý toby qazir eldegi eń bıik aǵash ıÝnnan sary búrshikti samyrsynnyń dál bıiktigi 83,4 metr ekenin dáleldep, alyp aǵashtyń sýretin jarııalady, dep habarlady Qytaıdyń «Halyq gazeti» aqparattyq portaly.
Atalǵan BAQ-tyń keltirgen málimetine súıensek, fotodaǵy 9 qazanda shyǵarylǵan bıik samyrsynnyń sýreti. Alyp samyrsynnyń fotosyn tórt ǵylymı-zertteý tobynyń músheleri birigip túsiripti. Aldymen ushqyshsyz qurylǵymen birneshe metrden úsh te alty parshada bir top fotolardy túsirgen. Odan keıin taǵy birneshe metrden bir topqa bólip, aǵashtyń ushar basyna deıin fotoǵa alǵan. Sóıtip, olar sońynda barlyq túsirilimderdi biriktirgen. Zertteýshiler alyp samyrsyn uzyndyǵyn egjeı-tegjeıli kórsetý úshin fotolardy 100 metrlik alyp ekrannan kórsetti.
Jas kásipker óziniń basty qaǵıdatyn aıtyp berdi –Kaznews
Kaznews aqparattyq agenttiginiń «Іsker azamat» jobasynyń osy aptadaǵy qonaǵy - jas kásipker Dinıslam Manarbekuly. Ol 1990 jyly Mońǵolııanyń Baıan-Ólgıı aımaǵynda týǵan. Reseıdiń Máskeý qalasyndaǵy qarjylyq basqarý ýnıversıtetin aýdıtor mamandyǵy boıynsha támamdaǵan. Qazirgi ýaqytta álemge tanymal brend «World of Coffee Machines» kompanııasynyń dırektory qyzmetin atqarady.
Kaznews.mn aqparattyq portaly Dinıslam Manarbekulynyń jumys tásilin tanystyrǵan.
Jas kásipker D.Manarbekuly «Kompanııa qurýdaǵy maqsatyńyz?», «Sizdiń jumys tásilińiz qandaı?», «Klıentterińizdiń jıi qoıatyn suraqtary?», «Ýaqyt únemdeýdiń utymdy tásili qandaı?» degen sekildi birneshe suraqqa jaýap bergen. Dinıslam Manarbekuly jumysyndaǵy basty qaǵıdaty – dámdi kofe, myqty servıs, ekenin aıtady.
Atalǵan BAQ-tyń keltirgen málimetine súıensek, Dinıslam Manarbekulynyń mekenjaıy Qazaqstannyń Almaty qalasynda dep jazylǵan. Qyzmeti «World of Coffee Machines» ıaǵnı «Kofemashına álemi» kompanııasynyń dırektory.
Túrki áleminiń «Ortaq álipbı komıssııasy» quryldy - TRT
Túrki áleminiń ortaq álipbıi boıynsha Túrik memleketteri uıymy shańyraǵy astynda «Ortaq álipbı komıssııasyn» qurý týraly sheshim qabyldandy. Soǵan sáıkes, Túrki memleketteriniń ortaq álipbıge kóshý úderisi men til birligi protsesin jedeldetý maqsatynda «Ortaq álipbı komıssııasy» quryldy.
Bul týraly 21 qazan kúni Túrkııa radıo-televızııa portaly habarlady.
Atalǵan BAQ-tyń dereginshe, Til merekesiniń 90 jyldyǵyna baılanysty ótken aıda Býrsada uıymdastyrylǵan Túrki áleminiń ortaq álipbıi semınarynda Túrik memleketteri uıymyna usynylatyn sheshimder qabyldandy.
Túrik tili mekemesi jáne Túrik memleketteri uıymy birlesip ótkizgen semınarda túrik memleketterinen kelgen ǵalymdar óz elderinde qoldanylǵan álipbı jáne tarıhı úderister týraly aqparat berip, ortaq álipbıge kóshý protsesin jedeldetý jáne qoldaný aıasyn keńeıtý kerek ekeni jetkizdi.
Túrki respýblıkalarynyń resmı mekemeleri usynǵan 2 músheden turatyn komıssııa Túrik memleketteri uıymy Aqsaqaldar keńesine ortaq álipbı jáne odan shyǵarylatyn ulttyq álipbıler týraly raport daıyndaıdy.
Alǵashqy otyrysyn Qyrǵyzstanda ótkizetin komıssııa birlesken álipbı zertteýlerin baqylap, Aqsaqaldar keńesine raport beredi.
Mońǵolııaǵa kelgen Reseı azamattary mońǵol tilin úırenýde - Janadauir.com
Mońǵol syrtqy ister mınıstrliginiń alǵashqy segiz aıynyń málimeti boıynsha, Reseı elinen 56714 azamat kelgen, dep habarlaıdy mońǵolııalyq janadauir.com portaly.
Osyǵan oraı Mońǵol eli bul máselege baılanysty eshqandaı málimdeme jasaǵan joq.
Mońǵolııalyq BAQ-tyń dereginshe, mońǵol eliniń «Shetel azamattarynyń quqyqtyq jaǵdaıy týraly» zańynyń 27-babynyń 4-tarmaǵynda «Elimiz azamattarynyń 3 paıyzyna teń shetel azamattary turýǵa bolady. Al, bir ulttyń azamattary 1 paıyzyna teń bolý qajet», dep kórsetilgen. Osy zańdy negizge alatyn bolsaq, Mońǵol eli 34000-daı Reseı azamattaryn turǵyzýǵa múmkindik beredi degen sóz.
«Mońǵol eli óz ana tilinde sóılep, resmı is-qaǵazdar tek mońǵol tilinde júrgiziledi. Sondyqtan da Mońǵolııaǵa kelgen Reseı azamattary mońǵol tilin úırenýge májbúr bolýda», dep túıindeıdi mońǵolııalyq basylym.
Álemdegi ekinshi úlken shólde kólder paıda bolýda – People.com
Bıyl Shyńjańdaǵy Tarym ózeniniń sý mólsheri sońǵy on jylda eń mol bolyp jınaldy. Ózen sýy jaqyn mańdaǵy Taklamakan shóline quıylyp, kóptegen kólshikter paıda bolyp, keremet kórinis ornaǵan, dep habarlaıdy Qytaıdyń «Halyq» saıty.
Aıta keteıik, Taklamakan shóli – Shyńjańnyń ońtústigindegi Tarym oıpatynyń ortalyǵynda ornalasqan, onyń uzyndyǵy shyǵystan batysqa qaraı 1000 shaqyrymnan asady. Al soltústikten ońtústikke qaraı eni 400 shaqyrymdaı, jalpy aýdany 330 myń sharshy shaqyrymnan asady. Bul - Qytaı elindegi eń úlken shól. Taklamakan shóli Afrıkadaǵy Sahara shólinen keıin ekinshi orynda, sondaı-aq álemdegi ekinshi jyljymaly shól.
Qytaılyq BAQ-tyń dereginshe, aǵymdaǵy jyldyń mamyr aıynan bastap qardyń joǵary temperatýrada erýi men jaýyn-shashynnyń áserinen Tarym ózeniniń negizgi jáne salalarynyń 25 ózeninde sý tasqyny dabyl deńgeıinen asyp ketkeni belgili boldy.
Sonyń áserinen álemdegi ekinshi úlken qumdy shólde kólder paıda bola bastaǵan. «Taklamakan shólinde kól kóp» degen jazbanyń astyndaǵy pikir alańynda kóptegen jeli qoldanýshylary «bul múmkindik sırek, tez aǵash otyrǵyzý kerek» dep jazǵan.
Negizinde bulaı isteýge, ıaǵnı aǵash otyrǵyzýǵa bolmaıdy. Ekolog mamandardyń aıtýynsha, Taklamakan shóline aǵash otyrǵyzý onyń jaǵdaıyn jaqsartpaıdy, kerisinshe shóldiń ekologııalyq daǵdarysyn kúsheıtedi. Sondyqtan Taklamakan sııaqty tabıǵı sebeptermen paıda bolǵan shólge orman ósirý ádisin ǵana qoldana almaımyz, eger durys emes basqarý ádisi qoldanylsa, ol jergilikti shóldený dárejesin odan ári nasharlatady.
Ortalyq Azııa shyǵarmashyl jastarynyń forýmy bastaldy - ÓzA
Ózbekstan Jazýshylar odaǵynyń bastamasymen Ortalyq Azııa shyǵarmashyl jastarynyń forýmy óz jumysyn bastady. Forýmnyń alǵashqy kúni respýblıkadaǵy óner qaıratkerleri men Qazaqstan, Tájikstan, Aýǵanstan, Túrkimenstan, Qyrǵyzstannyń jas qalamgerleri Ózbekstan Jazýshylar odaǵy men Jazýshylar dańǵylynda bolyp, uly oıshyl tulǵa Álisher Naýaıdyń músinine gúl shoqtaryn qoıdy, dep habarlaıdy «ÓzA» aqparattyq agenttigi.
Ózbekstandyq BAQ-tyń málimetinshe, sońǵy jyldary Ózbekstanda jas ónerpazdardy qoldaý, olardy yntalandyrý, shyǵarmashylyq eńbekteriniń jaryq kórýine jaqynnan kómek kórsetý máselesine kóp kóńil bólinýde. Forým basynda Ádebıetshiler dańǵylynda ótken shyǵarmashylyq dıalogta Ózbekstan Jazýshylar odaǵynyń tóraǵasy Sırojıddın Saııd ózbek ulttyq ádebıetiniń órkendeýindegi ónegeli shyǵarmalary, onyń halyq rýhanııatyn kóterýdegi orny men mańyzyna keńinen toqtalǵan.
Forým aıasynda qazaq aqyny Raýshanbek Ýbaevta óz pikirin bildirgen.
Onyń aıtýynsha, sońǵy jyldary Ózbekstan men Qazaqstan arasyndaǵy ózara yntymaqtastyq pen dostyq qarym-qatynas jańa damý satysyna kóterilgen. 2018 jyly Qazaqstanda «Ózbekstan kúnderi» merekelik sharalar tabysty ótti. Onyń aıasynda ádebı is-sharalar da kóńilge medeý boldy. Kóptegen ózbek aqyndarymen kezdesip, áńgimelesip, shyǵarmalarynan lázzat alýdyń sáti túsken.
Sondaı-aq, Raýshanbek Ýbaevtyń óleńderi «Oıanǵan júrek únderi» jınaǵynda, «Qazaq-Ózbek shyǵarmashylyǵy antologııasynda» jaryq kórgen. Ol Ortalyq Azııa shyǵarmashyl jastarynyń forýmy ózara ıdeıalar men tájirıbe almasýǵa qolaıly shyǵarmashylyq keńistik bola alady dep oılaıtynyn tilge tıek etken.
Forýmǵa qatysýshylar Ózbekstan Jazýshylar odaǵynyń jáne onyń murajaıynyń qyzmetimen tanysty. Eldegi ulttyq ádebıetti órkendetý jolyndaǵy ıgi ister olarǵa úlken áser qaldyrdy.
Iran men Qazaqstan arasyndaǵy vızalar joıyldy – Parstoday
Irannyń Qazaqstandaǵy elshiligi Iran men Qazaqstan arasyndaǵy vızalardyń joıylǵanyn habarlady.
Bul týraly osy aptada Irannyń Parstoday aqparat agenttiginde jarııalandy.
Atalǵan aqparat agenttiginiń habarlaýynsha, sársenbi kúngi Irannyń Qazaqstandaǵy elshiligi Iran men Qazaqstan bıligi arasyndaǵy kelisimge sáıkes jáne ózara kelisim negizinde Iran úkimeti 2022 jyldyń 11 qarashasynan bastap 14 kúndik qazaqstandyq tólqujattarǵa vızany alyp tastaıtynyn habarlady.
Aıta keteıik, buǵan deıin Qazaqstan 8 shildeden bastap Iran azamattary úshin vızany alyp tastaǵan bolatyn.
