Túrki áleminiń ańyzdary: Elordada noǵaı sýretshisiniń kórmesi ashyldy
«Túrki áleminiń ańyzdary» dep atalatyn toptamada túrki halyqtaryna ortaq fılosofııa kórinis tapqan jáne 80-ge jýyq jumys qoıylǵan.
«Bul - meniń eńbek jolymdaǵy eń úlken kórme jáne ony jańa shyǵarmashylyq jumystarǵa basqan qadamym deýge bolady. Munda barlyq derlik jumystarym qoıylǵan. Ekinshiden, búgingi kórmeni marqum dosym, qazaqstandyq aqyn Ánýar Omardyń rýhyna arnaımyn. Ótken jyldy Ánýar qaıtys boldy. Ol - meniń týyndylaryma óleń jazyp, qoldaý bildirgen qazaqtardyń biri. Men úshin qazaqtardyń bári týys. Qazaqstanda meniń jumystarym joǵary baǵalanady, túsinedi. Bizdiń tarıhymyz, túbimiz bir. Barshańyzdy óz halqymdaı jaqsy kóremin», - dedi Álibek Qoılaqaev kórmeniń ashylý rásiminde.
Avtor óz jumystarynda qaǵaz ben týshty jıi qoldanady jáne jan men tánniń ózekti máselelerin kóterýge tyrysady.
«Týyndylarym jóninde kóp aıtqym kelmeıdi. Olardyń ózin sóıletýge bolady. Sebebi, men týyndylaryma barymdy saldym. Jahandaný, tabıǵat, turmys, ómir men ólim, mahabbat taqyryptaryn qozǵadym. Kórmeden ár adam ózin kóredi, mazalap júrgen suraqtaryna jaýap tabady. Meniń jasaǵan jumystarym maǵan emes, kórermenge, halyqqa tıesili», - deıdi sýretshi.
Sonymen birge, kórmede «Kúltegin», «Súıimbıke», «Ivan Groznyı» syndy tarıhı tulǵalardyń beınesin kórýge bolady.
Kórme 2019 jyldyń 15 mamyryna deıin jalǵasady.
