Túrki álemin sıpattaıtyn bes tomdyq jaryqqa shyqty

ASTANA. QazAqparat - Ázerbaıjan Respýblıkasy Mıllı Májilisiniń depýtaty, fılosofııa ǵylymdarynyń doktory Javanshır Feızıevtiń «Túrki álemi» atty bes tomdyq eńbegi jarııalandy, dep habarlaıdy QazAqparat twesco.org saıtyna silteme jasap. 

J.Feızıev óz eńbeginde túrki áleminiń qazirgi jaǵdaılary men «túrki jurtshylyǵynyń» bóliný, qosylý jaıttaryna baılanysty jan-jaqty málimet beredi.

Jınaqtyń birinshi tomynda túrki órkenıetiniń tarıhı damý barysy men negizgi qundylyqtary, túrki tilderi semıasy, jalpytúrkilik tarıh pen mádenıet, saıasat men dıplomatııa, túrkilerdiń erkin ómir salty, ádet-ǵuryptary, ámbebap-mýltıkýltýralıst kózqarasy, qazirgi zamanǵy jaǵdaıy.

Ekinshi tomda túrki etnogeografııasy, kóne túrki halyqtary men taıpalary, qazirgi túrki halyqtary, túrki dısporalary, uıymdasý máseleleri, jalpytúrkilik uıymdar men olardyń ıntegratsııa úrdisindegi róli.

Úshinshi tomda túrkilerdiń memleketshilik tarıhy men geneologııasy, kóne túrki memleketteri men ımperııalary, qazirgi táýelsiz túrki respýblıkalary men olardyń ózara baılanystary, basqa memleketter quramyndaǵy avtonomdy túrki respýblıkalary men aımaqtary.

Tórtinshi tomda túrkitanýdyń qazirgi máseleleri, túrikshildik ıdeologııasy, túrikshildikti burmalaǵan tásilder men teorııalardyń synı turǵydan saraptalýy, qazirgi túrki áleminiń damý áleýetteri men perspektıvalary týraly naqty málimetter.

Besinshi tomda túrki áleminiń aldyńǵy qatarly tulǵalary men olardyń memleket, saıasat, ǵylym, mádenıet jáne ádebıet salalaryndaǵy qyzmetteri týraly málimet beredi.

Aıta keterligi, avtordyń 2013 jyly jarııalanǵan «Túrki memleketteri birligi: jahandyq ıntegratsııanyń Eýrazııa úlgisi» atty kitaby túrik, qazaq, qyrǵyz, orys jáne bosnııa tilderinde jaryq kórdi.