Túrki álemi jýrnalısteriniń dostyq klýby qurylýy múmkin
Bul osyndaı halyqaralyq forýmdardy uıymdastyrýǵa yqpal etedi. Túrkistandaǵy Túrki álemi elderi BAQ ókilderiniń basyn qosqan halyqaralyq jýrnalıster forýmyn qortyndylaǵan Darhan Qydyráli osylaı aıtty, dep habarlaıdy QazAqparat HAA tilshisi.
Ol forým aıasynda qabyldanǵan jeti máseleni atap ótti.
«Birinshisi, túrki elderi arasynda Qazaqstan Respýblıkasy Prezıdenti Nursultan Nazarbaevtyń ortaq telearna qurý jáne aqparat keńistigin qalyptastyrý boıynsha tapsyrmasy boıynsha júıeli jumystar júrgizý onyń jalǵasyn tabýyna qoldaý kórsetý jıynnyń maqsaty sol.
Ekinshisi, túrki álemi BAQ arasyndaǵy ekijaqty yntymaqtastyqty arttyrý osy maqsatta baýyrlas elder arasynda ókildikter ashý memorandýmdarǵa kelisim sharttarǵa qol qoıý áriptestikti bekitý boıynsha tıisti sharalar atqarý bolmaq.
Úshinshisi, forýmdy júıeli túrde jalǵastyrý, onyń aıasyn keńeıtý ózge de baýyrlas elderden jýrnalıster shaqyrý, Túrki Keńesiniń sheshimine qoldaý bildirý jáne negizgi jumysyn atqarý.
Tórtinshisi, túrki elderine ortaq qundylyqtar men rýhanı muralardy, kıeli jerlerdi, ortaq tulǵalardy aıqyndap, eldigimizdi birge nasıhattaý, bir-birimizben aqparat almasýlar arqyly bir-birimizben bólisip tursaq degen usynys bar. Ol áleýmettik jeliler, aqparat agenttikteri, basylymdar arqyly bolýy múmkin.
Besinshisi, ortaq mádenıetimizdi serıaldardy Qoja Ahmet ıAsaýı, Qorqyt ata sııaqty serıaldar túsirýdi uıymdastyrýǵa usynys jasaý. Mundaı usynystar buǵan deıin de bolǵan. Sol jobalardy júzege asyrýymyz qajet.
Altynshysy, Túrki álemi jýrnalısteriniń dostyq klýbyn Túrki Akademııasy janynda qurýǵa yqylastymyz. Bul osyndaı forýmdardy uıymdastyrýǵa jaýapkershilik júkteıdi. Biz bul mindetti óz moınymyzǵa alamyz.
Jetinshisi, jaqsy usynystar men baıandamalardy, materıaldardy basyp shyǵarý, ony tıisti mekemelerge, memleket basshylaryna jetkizý. Osyndaı jobalar bar. Búgingi jıyn aldaǵy úlken keńesterdiń basy bolady dep úmittenemiz»,-dedi Halyqaralyq Túrki akademııasynyń prezıdenti Darhan Qydyráli.
