Túrki álemi HHІ ǵasyrdaǵy erekshe ekonomıkalyq aımaqtardyń birine aınalyp keledi - Asqar Shákirov
Taraptar kezdesý barysynda osy halyqaralyq uıymnyń qyzmeti men damý keleshegin talqylady. Bul saladaǵy qyzmet túrki elderiniń ózara is-qımylynyń negizin quraıtyn ýaǵdalastyq men ózara qoldaý rýhyna saı keledi.
«Qazaqstan Prezıdenti Qasym-Jomart Toqaev túrkitildes memleketter arasyndaǵy yntymaqtastyqqa zor mańyz berip otyr. Túrki álemi HHІ ǵasyrdaǵy erekshe ekonomıkalyq aımaqtardyń birine aınalyp keledi. Qazaqstan Túrkitildes memleketterdiń Parlamenttik assambleıasy qurylýynyń bastaýynda turǵan bolatyn. Ol qazirgi kezde túrkiaralyq dıalogta sheshýshi oryn alady jáne kóp tarapty kún tártibin júzege asyrýǵa zor úles qosyp keledi», - dep atap ótti tóraǵanyń orynbasary.
Qor prezıdenti Qazaqstandaǵy saıası júıeni transformatsııalaýǵa jáne azamattardyń ál-aýqatyn arttyrýǵa baǵyttalyp júzege asyp jatqan strategııalyq reformalardy joǵary baǵalap, Qazaqstan túrki álemin nyǵaıtýdaǵy mańyzdy áriptesterdiń biri ekenin atap ótti jáne Qormen nátıjeli yntymaqtastyǵy úshin alǵys aıtty.
Gúnaı Efendıeva uly aqyn, Qazaqstannyń jáne búkil túrki áleminiń kórnekti qaıratkeri, dana Abaı Qunanbaevtyń 175 jyldyǵyna oraı halyqaralyq aýqymdy aýdıtorııaǵa shyǵarmashylyǵyn tanystyrý maqsatynda Qordyń qoldaýymen jaryq kórgen poshta markasyn tanystyrdy.
Foto: senate.parlam.kz
