Túrki álemi elderi BAQ ókilderiniń forýmynda tuńǵysh Ismaıl Gaspyraly atyndaǵy syılyq tabys etildi

TÚRKІSTAN. QazAqparat - Túrki álemi elderi BAQ ókilderiniń basyn qosqan «Túrki álemi jáne aqparattyq keńistik» atty halyqaralyq jýrnalıster forýmynda tuńǵysh ret  Ismaıl Gaspyraly atyndaǵy syılyq tabys etildi, dep habarlaıdy «QazAqparat» HAA.

Aıda Eıvazova (Ázerbaıjan), Kıýrshad Zorlý (Túrkııa) jáne Ahmet Ieshıltepe (Túrkııa) atalǵan syılyqtyń tuńǵysh laýreattary atandy.

Bul syılyq túrki álemi máselelerin medıa qurylymdarda  jaqsy nasıhattaǵan tulǵalarǵa beriletin bolady.

Ismaıl Gaspyraly (1851 - 1914) - qyrym-tatar zııalysy, aǵartýshy, baspager jáne saıasatker, tuńǵysh «Tárjiman» gazetin shyǵarýshy. Birneshe kórkem shyǵarmalardyń avtory. Onyń qalamynan «Dar ýl Rahat mýsýlmanlary», «Afrıkanskıe pısma - Strana amazonok» povesteri, «Arslan Kyz» áńgimesi, «Gore Vostoka» novellasy, «Rýsskoe mýsýlmanstvo. Myslı, zametkı ı nablıýdenııa mýsýlmanına», «Rýssko-Vostochnoe soglashenıe. Myslı, zametkı ı pojelanııa» syndy esseler jáne basqa da shyǵarmalar týǵan.

I. Gaspyraly qyrym-túrik ǵana emes, basqa da túrki halyqtarynyń kóptegen ádebı jáne pýblıtsıstıkalyq janrlarynyń negizin qalaýshylardyń biri.