Túrki akademııasynyń zertteýi júldege ıe boldy
Jyl saıyn júrgizilgen arheologııalyq zertteýlerdiń oljalary qorytyndylanyp, tańdaýly zertteýlerge báıge beriletin bul dástúrli basqosýǵa AQSh, Kanada, Germanııa, QHR, RF, Japonııa, Koreıa sekildi kóptegen sheteldiń 87 ǵalymnyń zertteýi, barlyǵy 68 arheologııalyq qazba jumysynyń nátıjesi sarapqa salynyp, synnan ótti.
Atalmysh sharaǵa Halyqaralyq Túrki akademııasynyń Mońǵolııada júrgizgen úsh birdeı qazba zertteýi, atap aıtqanda, Mońǵolııa Ǵylym akademııasy Tarıh, arheologııa ınstıtýtymen birlesken «Shıveetýlaan-2018» ekspedıtsııasy men «Hóshóótsaıdam» jobasy, sonymen birge Mońǵolııa Ulttyq mýzeıimen birge júrgizilgen Gúnbúrd, Qııaqudyq kóne túrki kesheni arheologııalyq qazbasy týraly baıandamalar zııaly qaýymnyń nazaryna usynylǵan bolatyn. 
Mamandardyń jan-jaqty talqysyna salynyp, daýys berý arqyly jyldyń úzdik arheologııalyq zertteýleri anyqtaldy. Tańdaýlylar qatarynda akademııa ekspedıtsııasynyń jumystary bar.
Anyǵyraq aıtqanda, Halyqaralyq Túrki akademııasy men Mońǵolııa Ulttyq mýzeıiniń 2017-2018 jyldary zertteý júrgizgen Gúnbúrd, Qııaqudyq kóne túrki kesheni úshinshi orynnyń júldesin jeńip aldy. Sonymen birge osy jobaǵa qatysqan arheolog Chınbold Baıandelger kıeli jerlerdi dronmen áýeden túsirgen úzdik jumysy bas báıgege ıe boldy. Al jarysta birinshi orynǵa Mońǵolııa -Germanııanyń «Qarabalǵys» jobasy, ekinshi orynǵa Mońǵolııa - Amerıkanyń «Soltústik Mońǵolııa» ekspedıtsııasy laıyqty dep tanylǵan.
Ótken jylǵy jazǵy maýsymda Shyńǵyshannyń atajurty Hentaı aımaǵy Delgerhaan sumynyndaǵy kıeli keshenderge zertteý júrgizgen akademııa ǵalymdary túrki murasyn baıytatyn birqatar oljalarǵa tap bolyp, keshennen túrki dáýirine tán er men áıel adamnyń tas músini, qumyra sekildi jádigerler tabylǵan bolatyn. Akademııa men mýzeıdiń «Kerýlen» jobasy aldaǵy jyldarda da tııanaqty izdenisterin jalǵastyratyn