Túrki akademııasynyń prezıdenti: Qasym-Jomart Toqaev qabyldaǵan sheshimderge tolyqtaı qoldaý bildiremiz

NUR-SULTAN. QazAqparat - «Halyqaralyq Túrki akademııasy Qazaqstannyń táýelsizdigi men tutastyǵyna qarsy baǵyttalǵan basbuzarlyq áreketterdi úzildi-kesildi aıyptaıdy». Mundaı pikirdi osy uıymnyń prezıdenti Darhan Qydyráli bildirdi, dep habarlaıdy QazAqparat.

«Biz beıbit azamattarǵa jáne olardyń ómirine qaýip tóndiretin, qoǵamdyq tártipti buzatyn terrordyń barlyq sıpatyn qatań túrde aıyptaı otyryp, memlekettiliktiń irgesine syna qaǵatyn, eldikke zalal tıgizetin buzaqylyq áreketterge túbegeıli qarsy ekenimizdi málimdeımiz.

Qazaqstan Respýblıkasynyń Prezıdenti Qasym-Jomart Toqaevtyń qabyldaǵan sheshimderi men júrgizip jatqan antı-terrorlyq operatsııasyna tolyqtaı qoldaý bildiremiz», - dedi Halyqaralyq Túrki akademııasynyń prezıdenti.

Sondaı-aq, Darhan Qydyráli ssy syn saǵatta búkil qoǵamnyń aýyzbirshiligin saqtaýy jáne árbir azamattyń el bıligin qoldaýy qajet dep oılaıtynyn aıtty.

«Qazaqstandaǵy turaqtylyqtyń tezirek qalpyna kelýi tamyrlas, baýyrlas túrki elderi de úshin asa mańyzdy.

Sondyqtan kúrmeýi qıyn kúrdeli kezeńde Qazaq elindegi áleýmettik-saıası jaǵdaıdyń tez arada turaqtanýyn tileımiz» dep túıdi sózin ol.