Túrki akademııasynyń basshysy Darhan Qydyráli halyqaralyq uıymǵa múshe boldy

ASTANA. QazAqparat - Túrki akademııasy halyqaralyq uıymynyń (TWESCO) basshysy Darhan Qydyráli Beıbitshilik pen turaqty damý halyqaralyq qorynyń sheshimimen Qara teńiz - Kaspıı teńizi halyqaralyq yntymaqtastyq jáne seriktestik qorynyń tolyq quqyly múshesi bolyp saılandy, dep habarlaıdy QazAqparat.

«Qara teńiz - Kaspıı teńizi halyqaralyq yntymaqtastyq jáne seriktestik qory» 2009 jyldyń 4 naýryzynda Ázerbaıjan, Grýzııa, Qazaqstan, Qyrǵyzstan, Moldova, Rýmynııa, Túrkııa men Ýkraınanyń kórnekti memleket jáne qoǵam qaıratkerleriniń, zııaly qaýym ókilderi men bedeldi uıymdardyń bastamasymen qurylǵan úkimettik emes jáne kommertsııalyq emes uıym sanalady. 2011-2015 jyldary Qordyń qatysý aımaǵy edáýir keńeıip, búginde kommertsııalyq emes uıymnyń quramynda 35-ke jýyq memlekettiń músheleri bar.

Aıta ketý kerek, Qara teńiz - Kaspıı teńizi halyqaralyq yntymaqtastyq jáne seriktestik qory Qara teńiz ben Kaspıı teńizi aımaǵyndaǵy beıbitshilik pen yntymaqtastyqty nyǵaıtýǵa baǵyttalǵan demokratııalyq protsester, ekonomıkalyq damý, ekologııa, ǵylym, bilim berý, mádenıet pen tehnologııalar salalarynda birlesken jobalar júrgizýdi kózdeıdi.