Túrki akademııasy Japonııamen yntymaqtastyq ornatýda
ASTANA. QazAqparat - Keshe Japonııanyń Qazaqstandaǵy Tótenshe jáne Ókiletti Elshisi Itıro Kavabata myrza Túrki akademııasy halyqaralyq uıymynda (TWESCO) boldy, dep habarlaıdy «QazAqparat» HAA twesco.org saıtyna silteme jasap.
Qurmetti meımandy qarsy alǵan TWESCO basshysy Darhan Qydyráli uıymnyń qyzmeti jóninde jan-jaqty áńgimelep berdi.
Taraptar Japonııamen yntymaqtastyqty keńeıtip, birlesken jobalar júrgizý múmkindikterin talqylady.
Túrki mýzeıin aralap kórgen elshi myrza Akademııanyń jumysyna zor qyzyǵýshylyq tanytyp, keleshekte baılanystardy bekitýge jan-jaqty qoldaý kórsetetinin aıtty.
Aıta ketý kerek, osy qazan aıynyń sońynda D.Qydyráli bastaǵan TWESCO delegatsııasy Halyqaralyq akademııalar odaǵynyń 89-shy jalpy assambleıa otyrysyna qatysý úshin Japonııaǵa attanady. Sapar aıasynda Japonııa Ǵylym akademııasy basshylarymen jáne basqa birqatar kezdesýler josparlanyp otyr.
