Túrki akademııasy daıarlaǵan tarıh oqýlyǵy Túrkııa mektepterinde oqytylady

ASTANA. QazAqparat - Túrki Keńesi memleket basshylarynyń Sammıtiniń sheshimi boıynsha Túrki akademııasy halyqaralyq uıymy (TWESCO) daıyndaǵan «Ortaq túrki tarıhy» oqýlyǵyn Túrkııa ulttyq bilim mınıstrligi orta mektepterdiń segizinshi synyptarynda oqý baǵdarlamasyna engizedi. Bul týraly Túrkııanyń AA (Anadolu Ajans) aqparat agenttigi habarlady.

Anadolu Ajans-tyń habarlaýy boıynsha, Túrkııa Bilim Mınıstri Ismet Iylmazdyń sheshimimen aldaǵy oqý jylynda «Ortaq túrki tarıhy» orta mektepterde tańdaýly pán retinde engiziledi.

Budan buryn habarlanǵandaı Túrki akademııasy halyqaralyq uıymy (TWESCO) Túrki Keńesine múshe elderdiń Bilim jáne ǵylym mınıstrlikteri ókilderi men sarapshylary ortaq oqýlyqtyń baǵdarlamasyn ázirlep shyqqan bolatyn.