Túrik shoý-bıznesindegi esirtki daýy: 19 adam qamaýǵa alyndy
Túrkııanyń shoý-bıznesi men medıa elıtasyn qamtyǵan rezonansty esirtki isi aıasynda 19 adam qamaýǵa alyndy, dep habarlaıdy Kazinform agenttiginiń menshikti tilshisi.
Belgili tulǵalar arasynda esirtkiniń zańsyz aınalymy men qoldanylýyna qatysty tergeý sheńberinde qylmystyq ister jónindegi sot buǵan deıin ýaqytsha qamaýǵa alynǵan 19 adamdy tutqyndaý týraly sheshim shyǵardy.
Sonymen qatar túriktiń «Qyzyl şerbet» telehıkaıasynda oınaǵan akter Dogýkan Gıýngór qosymsha bultartpaý sharalarynsyz bosatyldy. Buǵan onyń buǵan deıin-aq qoldanylyp júrgen shetelge shyǵýǵa tyıym salý shekteýi sebep bolǵan.
Іs boıynsha barlyǵy 26 adam kúdikti retinde ótip jatyr. Qamaýǵa alynǵandardyń qatarynda qonaqúı ıeleri, akterler, blogerler Býrak Altyndag pen Cheıda Ersoı bar. Cheıda Ersoı qoǵamǵa «glamýrly ápkeli-sińliler» (túrikshe: ciciş kardeşler) retinde tanymal.
Taǵy birneshe fıgýrantqa úıqamaq túrindegi bultartpaý sharasy taǵaıyndalsa, birqatary Gıýngór (serıalda Fatıh rólin somdaǵan) sııaqt qoldanystaǵy shekteý boıynsha bosatylǵan.
Tergeý jumystary jalǵasyp jatyr jáne bul is sońǵy kúnderi Túrkııada eń kóp talqylanǵan janjaldardyń birine aınaldy.
Buǵan deıin biz «Qyzyl şerbet» serıalynyń juldyzy ustalǵany týraly jazǵan edik.