Túrik polıtsııasy mıtıngke 2,2 mln adamnyń qatysqanyn joqqa shyǵardy

ASTANA. KAZINFORM — Quqyq qorǵaý organdarynyń málimetteri boıynsha Túrkııanyń Maltepe aýdanyndaǵy aýmaqqa eń kóp degende 450 myń adam syıady, dep habarlaıdy TASS.

 Túrkııanyń Bas qaýipsizdik basqarmasy oppozıtsııa jetekshisi Ózgúr Ózeldiń qamaýǵa alynǵan mer Ekrem Imamoǵlyǵa qoldaý kórsetý úshin Ystambuldaǵy mıtıngke 2,2 mıllıon adam qatysty degen málimdemesin joqqa shyǵardy. Vedomstvo atap ótkendeı, oǵan 150 myń adam qatysty.

— Maltepe aýdanyndaǵy aýmaq eń kóp degende 450 myń adamdy qamtı alady. Halyqtyq-respýblıkalyq partııanyń mıtıngisine 150 myń adam qatysty, — delingen habarlamada.

Halyqtyq-respýblıkalyq partııa jetekshisi senbide Ystambuldyń Maltepe aýdanynda ótken mıtıngte Túrkııada merziminen buryn prezıdenttik saılaý ótkizý maqsatynda qol jınaý naýqany bastalǵanyn málimdedi.

Aıta keteıik, 19 naýryzda Túrkııada Ystambul meri jáne oppozıtsııa jetekshileriniń biri Ekrem Imamoǵly sybaılas jemqorlyq jasady jáne terrorıstermen baılanysta boldy degen aıyppen ustalǵannan keıin Túrkııada narazylyq aktsııalary ótti. 

Ystambulda jınalystar men mıtıngilerge tyıym salynǵanyna qaramastan, eldiń birneshe provıntsııasynda narazylyqtar ótti.

23 naýryzda Ekrem Imamoǵly Túrkııa prezıdenttigine kandıdat retinde usynyldy.

Túrkııa ІІM málimetinshe, mıtıngte keminde 1,8 myń adam ustalyp, 260-y qamaýǵa alyndy. Eń aýqymdy narazylyq aktsııalary Ystambul, Ankara jáne Izmırde uıymdastyryldy. Oppozıtsııa jetekshisi Ystambuldaǵy senbi kúni ótkizilgen mıtıngti eń aýqymdy dep atady.