Túrkııada Ystambul meriniń ustalýyna qarsy narazylyq kezinde 1400-den astam adam tutqyndaldy

ASTANA. KAZINFORM – Túrkııanyń qaýipsizdik kúshteri ótken aptada Ystambul meri Ekrem Imamoglynyń ustalýyna baılanysty narazylyqtar bastalǵannan beri 1418 kúdiktini tutqyndaǵan. Bul týraly eldiń ishki ister mınıstri Alı Erlıkaıa seısenbi kúni X áleýmettik jelisinde habarlady, dep jazdy Sınhýa.

— Qazir 979 kúdikti qamaýda bolsa, 478-i sot organdaryna tapsyrylady, — dedi ol.

Negizgi oppozıtsııalyq Respýblıkalyq Halyq partııasynyń (CHP) tóraǵasy Ozgýr Ozel seısenbi kúni keshke Ystambuldyń Sarachhane aýdanyndaǵy sherýlerdi aıaqtaıtynyn aıtty.

E.Imamoǵly para aldy jáne lańkestik topqa kómektesti degen aıyppen ustalǵan soń 19 naýryzdan beri ondaǵan myń adam kóshege shyqty. Aldaǵy prezıdenttik saılaýda prezıdent Rejep Taıyp Erdoǵannyń basty básekelesi CHP atynan shyqqan E.Imamoglý sanalady.

Erdoǵan dúısenbi kúni sherýlerdi «zorlyq-zombylyq qozǵalysyna» aınaldyrǵan JEO-ny aıyptady. JEO jáne onyń jaqtastary «polıtsııa qyzmetkerlerin jaraqattaǵany, dúkenderdi qıratqany jáne qoǵamdyq múlikke zııan keltirgeni úshin» jaýap berýi kerek», - dedi ol.

Aıta keteıik, 19 naýryz kúni Ystanbul meri jáne Túrkııa prezıdenti Rejep Taıyp Erdoǵannyń basty saıası qarsylasy Ekrem Imamoglýdy qamaýǵa alý týraly order shyqqan bolatyn.

Sodan keıin Ystanbul meri Ekrem Imamoglý arnaıy operatsııa kezinde ustaldy.

Ystanbul, Ankara, Izmır jáne Rıze qalalarynda jappaı narazylyq sherýleri ótti.

Erdoǵan ishki máselelerdi saıasılandyrý áreketi úshin oppozıtsııany synǵa aldy.

Sybaılas jemqorlyq boıynsha aıyptalǵan Ystanbul meri qamaýǵa alynyp, qyzmetinen ýaqytsha shettetildi.

Túrkııadaǵy zańsyz narazylyqtar kezinde 123 polıtsııa qyzmetkeri jaralanyp, 1 133 adam ustaldy.

Ankarada 1 sáýirge deıin jappaı mıtıngi ótkizýge tyıym salyndy.

Erdoǵan «arandatýshylyqty toqtatýǵa» shaqyrdy.