Túrki memleketteri uıymynyń syrtqy ister mınıstrleri AQSh-ta bas qosty
ASTANA. KAZINFORM — QR Syrtqy ister mınıstri Muhtar Tileýberdi Birikken Ulttar Uıymy (BUU) Bas Assambleıasynyń 81 sessııasy aıasynda Túrki memleketteri uıymy (TMU) Syrtqy ister mınıstrleri keńesiniń beıresmı otyrysyna qatysty.
Vedomstvonyń baspasóz qyzmeti atap ótkendeı, uıymǵa múshe memleketter Mańǵystaý oblysyndaǵy oqý-jattyǵýlary kezinde qaza tapqan qazaqstandyq áskerı qyzmetshilerdiń qazasyna baılanysty kóńil aıtty.
— Otyrys barysynda taraptar TMU sheńberindegi yntymaqtastyqtyń qazirgi jaǵdaıy men aldaǵy mindetterin, sondaı-aq ózekti óńirlik jáne halyqaralyq máselelerdi talqylap, ózara is-qımyldyń praktıkalyq mazmunyn arttyrýǵa jáne túrki memleketteriniń ortaq múddelerine saı keletin birlesken bastamalardy ilgeriletýge óz daıyndyqtaryn rastady, — delingen habarlamada.
Buǵan deıin osy aıdyń basynda Qasym-Jomart Toqaev TMU-ǵa múshe memleketterdiń ishki ister mınıstrleri keńesi qarsańynda túrki elderi quqyq qorǵaý vedomstvolary basshylarymen kezdesý ótkizgenin jazǵan edik.
