Túrki memleketteri uıymynyń sammıti bastaldy
ASTANA. KAZINFORM – Búgin Túrkistan qalasynda Prezıdent Qasym-Jomart Toqaevtyń qatysýymen Túrki memleketteri uıymynyń beıresmı sammıti bastaldy. Jasandy ıntellekt jáne tsıfrlyq damý» taqyrybyna arnalǵan jıyn Qazaqstannyń tóraǵalyǵymen uıymdastyrylyp otyr.
Sammıtke TMU-ǵa múshe memleketterdiń basshylary – Túrkııa prezıdenti Rejep Taııp Erdoǵan, Ózbekstan prezıdenti Shavkat Mırzıeev pen Qyrǵyzstan prezıdenti Sadyr Japarov jáne Ázerbaıjan prezıdenti Ilham Álıev keldi.
Sonymen qattar bul mańyzdy jıynǵa baqylaýshy elderdiń ókilderi, uıymnyń Bas hatshysy, Aqsaqaldar keńesi men túrki yntymaqtastyq uıymdarynyń jetekshileri qatysyp otyr.
Bıylǵy sammıttiń Túrkistanda ótýi de kezdeısoq emes. Tarıhy tereń, túrki halyqtarynyń ortaq mádenıeti men rýhanı tamyryn toǵystyrǵan shahar búginde túrki áleminiń saıası ári mádenı yqpaldastyǵyn nyǵaıtatyn mańyzdy ortalyqqa aınalyp keledi.
Eske salsaq, Túrkitildes memleketterdiń yntymaqtastyq keńesi (TMYK nemese Túrki keńesi) 2009 jylǵy 3 qazanda Nahchyvan qalasynda (Ázerbaıjan Respýblıkasy) ótken túrkitildes memleketter basshylarynyń IX sammıtinde Qazaqstan, Ázerbaıjan, Qyrǵyzstan jáne Túrkııa prezıdentteri qol qoıǵan kelisim negizinde quryldy.
2021 jylǵy qarashada Ystanbulda ótken TMYK VIII sammıtiniń qorytyndysy boıynsha uıym Túrki memleketteri uıymy (TMU) bolyp qaıta ataldy.
